- ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗେଇଙ୍କ ପୁଣ୍ୟତିଥିରେ ତାଙ୍କ ଯୋଗଦାନକୁ ସ୍ମରଣ କଲେ କଂଗ୍ରେସ ଅଧ୍ୟକ୍ଷ
- ବିଭୀଷଣ କଥା ମୁଁ କହିନାହିଁ - ଭକ୍ତ ଦାସ
- ନିଶାସକ୍ତ ସ୍ୱାମୀ ମାଡରେ ସ୍ତ୍ରୀ ମୃତ; ସ୍ଵାମୀ ଗିରଫ
- ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ୨୦୨୫ -୨୬ଖରିଫ୍ ମାର୍କେଟିଂ ଋତୁ ନିମନ୍ତେ ଧାନ ସଂଗ୍ରହ କମିଟି ବୈଠକ ଅନୁଷ୍ଠିତ
- ଦୁଇ ସପ୍ତାହ ମଧ୍ୟରେ ଜିଲ୍ଲା କଂଗ୍ରେସ ସଂଗଠନ ସୃଜନ, ଡିସିସି କର୍ମକର୍ତ୍ତା ଓ ବ୍ଲକ୍ ସଭାପତି ବଛା ହେବେ : କଂଗ୍ରେସ
ବଡଦାଣ୍ଡ ଓ ଭିଆଇପି ରୋଡ଼ରେ ମାଳମାଳ ଯାନବାହାନ ପାର୍କିଙ୍ଗ
ପୁରୀ, ୧୨ ଅପ୍ରେଲ - ବିଶ୍ୱସ୍ତରୀୟ ସହର ଶ୍ରୀକ୍ଷେତ୍ର | ଗ୍ରୀନଫିଲଡ ଏୟାରପୋର୍ଟ ନିର୍ମାଣ ହେବ | ବିଶ୍ୱରୁ ପାର୍ଯ୍ୟଟକ ପୁରୀ ଆସି ପରିଦର୍ଶନ କରିବେ | ରାସ୍ତାଘାଟ ଚଉଡା ହେବ | ହେଲେ ଏବେ ଦେଖିବାକୁ ମିଳୁଛି ୨୪ ବର୍ଷରେ ଯେମିତି ଥିଲା ସେମିତି ଥାଉ -ଇତିଶ୍ରୀ ବାଞ୍ଛା ସାହୁ ନ୍ୟାୟରେ ପୁରୀ ସହର ଚାଲିଛି ବୋଲି ଅଭିଯୋଗ ହେଉଛି | ଏବେ ଶନି, ରବି, ସୋମବାର ୩ ଦିନ ସରକାରୀ ଛୁଟି ରହିଛି | ଏଥିପାଇଁ ପୁରୀରେ ପ୍ରବଳ ଗହଳି | ବଡଦାଣ୍ଡ ସମେତ ଭିଆଇପି ରୋଡ଼, ମେଡିକାଲ ଛକରୁ ବଡଶଙ୍ଖ, ନରେନ୍ଦ୍ର ପୋଖରୀ ନିକଟରେ ପ୍ରବଳ ଚାରିଚକିଆ ଗାଡି ବେନାମୀ ପାର୍କିଙ୍ଗ ହେଉଛି | ଆଜି ଭିଆଇପି ରୋଡ଼ ଏସବିଆଇ ଏଟିଏମ ନିକଟରେ ଦୁଇଟି ନୂଆ ବାଇକ ଥିବା ବଡ କଣ୍ଟେନର ଥୁଆ ହୋଇଥିଲା | ଯାହାଫଳରେ ରାସ୍ତାରେ ଯାଉଥିବା ଚାରିଚକିଆ ଯାନ ଯିବାରେ ଅସୁବିଧା ହୋଇଥିଲା | ଉଠାଦୋକାନୀ ଯଦି ରାସ୍ତା ଅବରୋଧ କରି ବସିଲେ ତେବେ ତାଙ୍କ ଖଜା, ଲଡ଼ୁ, ଫଳ ପୌର ଟିମ ନେଇଯାଉଛି | ହେଲେ ଏଠାରେ ଗାଡି ଦିନ ଓ ରାତି ତମାମ ରହିଲେ କଣ ଜାମ କରୁନାହିଁ ବୋଲି ଜନତା ଅଭିଯୋଗ କରୁଛନ୍ତି | ଏହାକୁ ତୁରନ୍ତ ହଟାଇବା ପାଇଁ ସାଧାରଣରେ ଦାବୀ ହେଉଛି |
