Breaking News

ଛତିଶଗଡର ଗରିୟାବନ୍ଦରେ ଗୁଳି ବିନିମୟରେ ନକ୍ସଲ ଜୟରାମ ସହିତ 16 ନକ୍ସଲଙ୍କ ମୃତଦେହ ସହିତ ଅସ୍ତ୍ରଶସ୍ତ୍ର ଜବତ

FMNEWS.IN 22-01-2025

16 Naxals killed in gunfight in Gariabandh, Chhattisgarh, arms seized

ଗରିୟାବନ୍ଦ, 22 ଜାନୁଆରି ଛତିଶଗଡର ଗରିୟାବନ୍ଦ ଜିଲ୍ଲାର ଛତିଶଗଡ-ଓଡ଼ିଶା ବର୍ଡର ସ୍ଥିତ ଭାଲୁ ଡିଗ୍ଗିର ଜଙ୍ଗଲରେ ସୁରକ୍ଷାବଳ ଓ ନକ୍ସଲଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ସୁରକ୍ଷାବଳଙ୍କୁ ବଡ ସଫଳତା ମିଳିଛି । ଏହି ଗୁଳି ବିନିମୟରେ ଏକ କୋଟିର ଇନାମୀ ନକ୍ସଲ ଜୟରାମ ଓରଫ ଚଲପତି ସହିତ 16ଜଣଙ୍କ ମୃତ୍ୟୁ ନେଇ ରାୟପୁର ଆଇଜି ସୂଚନା ଦେଇଛନ୍ତି । ଏହି ସମସ୍ତ 16 ନକ୍ସଲଙ୍କ ମୃତଦେହ ଓ ଅସ୍ତ୍ରଶସ୍ତ୍ର ଜବତ ହୋଇଛି । ଏହି ଗୁଳି ବିନିମୟରେ ଏବେ ସୁଦ୍ଧା 20ରୁ ଅଧିକ ନକ୍ସଲ ନିହତ ହୋଇଥିବା ଜଣାପଡିଛି । ସେହିପରି ଜଣେ ଯବାନ ମଧ୍ୟ ଆହତ ହୋଇଛନ୍ତି । ତାଙ୍କୁ ଏୟାରଲିଫ୍ଟ କରି ରାୟପୁର ଅଣାଯାଇଛି ।

ରବିବାର ରାତିରୁ ଆରମ୍ଭ ହୋଇଥିବା ଗୁଳି ବିନିମୟରେ ମଙ୍ଗଳବାର ସକାଳ ସୁଦ୍ଧା 16 ନକ୍ସଲ ନିହତ ହୋଇଥିବା ନେଇ ଜଣାପଡିଛି । ଗୁଳି ବିନିମୟ ଏବେ ବି ଶେଷ ହୋଇନି । ପ୍ରାୟ ହଜାରେ ଯବାନ ପ୍ରାୟ 60ଜଣ ନକ୍ସଲଙ୍କୁ ଘେରି ରହିଛନ୍ତି । ଏଥିପାଇଁ ବ୍ୟାକଅପ ପାର୍ଟିକୁ ପଠାଯାଇଛି ଓ ଡ୍ରୋନରେ ନଜର ରଖାଯାଇଛି ।