- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ବିହାରର କଟିହାର ଜିଲ୍ଲାରେ ଗଙ୍ଗା ନଦୀରେ ବୁଡିଲା ଡ଼ଙ୍ଗା : ତିନି ମୃତ, ଅନେକ ନିଖୋଜ
ପାଟନା, ୧୯ ଜାନୁଆରୀ - ବିହାରର କଟିହାର ଜିଲ୍ଲାରେ ରବିବାର ସକାଳେ ଗୋଲାଘାଟ ନିକଟ ଗଙ୍ଗା ନଦୀରେ ଏକ ଡ଼ଙ୍ଗା ଭାରସାମ୍ୟ ହରାଇ ଓଲଟି ପଡିବା ଫଳରେ ପାଣିରେ ବୁଡି ୩ ଜଣଙ୍କର ମୃତ୍ୟୁ ଘଟିଛି । ୭ ଜଣ ନିଖୋଜ ଅଛନ୍ତି । ଏସଡିଆରଏଫ ଟିମ୍ ଘଟଣାସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛି । ମୃତକଙ୍କ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି ।
ରବିବାର ସକାଳେ ୭ଟାରେ ପ୍ରାୟ ୧୨ ଜଣ ଚାଷୀଙ୍କୁ ନେଇ ଦିୟାରାରୁ ଏକ ଛୋଟ ଡ଼ଙ୍ଗା ବାହାରିଥିଲା । ଡ଼ଙ୍ଗାରେ ପ୍ରାଣପୁର, ବୁଧନଗର ଏବଂ କିଶନପୁର ଗ୍ରାମର ଲୋକ ଥିଲେ । ଏମାନେ ଝାଡ଼ଖଣ୍ଡର ସହିବଗଞ୍ଜ ବାସକୋଲ ସ୍ଥିତ ନିଜ ସମ୍ପର୍କୀୟଙ୍କ ଘରକୁ ଯାଉଥିଲେ । କୁହାଯାଉଛି ଯେ, କ୍ଷମତା ଠାରୁ ଅଧିକ ଲୋକ ଡ଼ଙ୍ଗାରେ ଯାତ୍ରା କରିଥିବା କାରଣରୁ ଡ଼ଙ୍ଗାଟି ଗଙ୍ଗା ନଦୀରେ ଓଲଟି ପଡିଥିଲା । ସମସ୍ତ ଲୋକ ବୁଡି ଯାଇଥିଲେ । କିଛି ଲୋକ ପହଁରି ପହଁରୁ ବାହାରକୁ ଚାଲି ଆସିଥିଲେ । ଦୁର୍ଘଟଣା ସମ୍ପର୍କରେ ଖବର ପାଇ ଏସଡିଆରଏଫ ଟିମ୍ ଘଟଣାସ୍ଥଳରେ ପହଂଚି ନିଖୋଜ ଲୋକଙ୍କୁ ଖୋଜାଖୋଜି କରୁଛି । ଅହମଦାବାଦ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଉଦ୍ଧାର ହୋଇଥିବା ଲୋକଙ୍କ ଚିକିତ୍ସା ଚାଲିଛି । ଗଙ୍ଗାନଦୀରେ ବୁଡିଥିବା ୩ ଜଣଙ୍କ ଶବ ଉଦ୍ଧାର ହୋଇଛି । ବର୍ତମାନ ସୁଦ୍ଧା ୭ ଜଣ ନିଖୋଜ ଅଛନ୍ତିି । ନିଖୋଜଙ୍କ ପରିବାର ଲୋକ ଦୁଃଖରେ ଭାଙ୍ଗି ପଡିଛନ୍ତି । ଘଟଣାସ୍ଥଳରେ ଲୋକଙ୍କ ଭିଡ଼ ଦେଖିବାକୁ ମିଳିଛି । ଏସଡିଆରଏଫ ଟିମ୍ ଉଦ୍ଧାର କାର୍ଯ୍ୟ ଜାରି ରଖିଛି ।
