Breaking News
- ବିହାରର ପୂର୍ଣ୍ଣିଆରେ ‘ଭୋଟର ଅଧିକାର ଯାତ୍ରା’: ରାହୁଲ ଗାନ୍ଧୀ ଓ ତେଜସ୍ୱୀ ଯାଦବ କଲେ ମୋଟରସାଇକେଲ ଚାଳନା
- ଖୋଲିଲା ଆଉ ୪ ସ୍ଲୁଇସ୍ ଗେଟ୍ : ହିରାକୁଦ ଜଳଭଣ୍ଡାରରୁ ୮ ସ୍ଲୁଇସ୍ ଗେଟ୍ ଦେଇ ବନ୍ୟାଜଳ ନିଷ୍କାସନ ଜାରି
- ନବୀନ ପଟ୍ଟନାୟକଙ୍କୁ ଭେଟିଲେ ମୁଖ୍ୟମନ୍ତ୍ରୀ
- 2035 ସୁଦ୍ଧା ଭାରତୀୟ ମହାକାଶ ଷ୍ଟେସନ ନିର୍ମାଣ କରିବାକୁ ଯାଉଛି, ପ୍ରଥମ ମଡ୍ୟୁଲ୍ 2028 ସୁଦ୍ଧା ଲଞ୍ଚ ହେବ - ଭି ନାରା...
- ତାଳଚେର ସାର କାରଖାନା କାର୍ଯ୍ୟକ୍ଷମ ହେବ କେବେ ? ଜବାବ ଦେବେ କି ଧର୍ମେନ୍ଦ୍ର ବାବୁ ? କଂଗ୍ରେସ ମାଗିଲା ଊତ୍ତର
ଦିଲ୍ଲୀ ବିଧାନସଭା ନିର୍ବାଚନର ଫଳ କେଜରିୱାଲ ଓ ଆଆପର ଜନମତ ସଂଗ୍ରହରୁ ଅଧିକ କିଛି ନୁହେଁ- କଂଗ୍ରେସ
FMNEWS.IN
08-02-2025
ନୂଆଦିଲ୍ଲୀ, 8 ଫେବ୍ରୁଆରି - ଦିଲ୍ଲୀ ବିଧାନସଭା ନିର୍ବାଚନ-2025ର ଭୋଟଗଣତି ଫଳ ଆସିବାକୁ ନେଇ କଂଗ୍ରେସର ପ୍ରଥମ ପ୍ରତିକ୍ରିୟା ଆସିଛି ।
ପାର୍ଟି ମହାସଚିବ ଏବଂ ରାଜ୍ୟସଭା ସଦସ୍ୟ ଜୟରାମ ରମେଶ କହିଛନ୍ତି ଯେ, ଏହି ଫଳ ଅରବିନ୍ଦ କେଜରିୱାଲ ଓ ଆମ୍ ଆଦମୀ ପାର୍ଟି ଉପରେ ଜନମତ ସଂଗ୍ରହରୁ ଅଧିକ କିଛି ନୁହେଁ । ଏହି ନିର୍ବାଚନରେ ବିଫଳ ଥିବା କଂଗ୍ରେସ ସଂପର୍କରେ ସେ କହିଛନ୍ତି ଯେ, 2030ରେ ତାଙ୍କ ପାର୍ଟି ସରକାର ଗଠନ କରିବ ।
ଜୟରାମ ରମେଶ ଆଜି ଏଠାରେ ଏକ ବକ୍ତବ୍ୟରେ କହିଛନ୍ତି ଯେ, ଯେତେବେଳେ 2015 ଓ 2020ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ଚରମରେ ଥିଲା, ସେତେବେଳେ ବି ଆମ୍ ଆଦମୀ ପାର୍ଟି ଦିଲ୍ଲୀରେ ନିର୍ଣ୍ଣାୟକ ବିଜୟ ହାସଲ କରିଥିଲା । ସେ କହିଛନ୍ତି ଯେ, ଦିଲ୍ଲୀର ନିର୍ବାଚନ ଫଳ ପ୍ରଧାନମନ୍ତ୍ରୀ ମୋଦିଙ୍କ ନୀତି ଉପରେ ମୋହର ନୁହେଁ ବରଂ ଏହି ଜନାଦେଶ କେଜରିୱାଲଙ୍କ ଛଳ,କପଟ ଓ ଉପଲବ୍ଧିର ଅତିଶୟୋକ୍ତପୂର୍ଣ୍ଣ ପ୍ରତିଶ୍ରୁତିର ରାଜନୀତିକୁ ଖାରଜ କରିଛି ।
