ରାଜ୍ୟପାଳ ଭବନ ସମ୍ମୁଖରେ ଗଣଧାରଣାରେ ପଛୁଆବର୍ଗଙ୍କୁ ୨୭ ପ୍ରତିଶତ ସଂରକ୍ଷଣ ଦେବାକୁ ଛାତ୍ର କଂଗ୍ରେସର ଦାବୀ

ଭୁବନେଶ୍ୱର ତା୪/୭ ରିଖ: ଆଜି ଓଡ଼ିଶା ଛାତ୍ର କଂଗ୍ରେସର ସଭାପତି ଉଦିତ ପ୍ରଧାନ ଙ୍କ ନେତୃତ୍ବରେ ଗଭର୍ନର ହାଉସ୍ ସମ୍ମୁଖରେ ଜୋରଦାର ଧାରଣା ଅନୁଷ୍ଠିତ ହେଲା । ଏହି ଧାରଣାରେ ବିପୁଳ ସଂଖ୍ୟାରେ ଛାତ୍ର କଂଗ୍ରେସ ନେତାମାନେ ଓଡ଼ିଶାର ଶିକ୍ଷା ଓ ଚାକିରି କ୍ଷେତ୍ରରେOBC (Other Backward Classes) ପାଇଁ ୨୭% ରିଜର୍ଭେସନ୍ତି ତୁରନ୍ତ କାର୍ଯ୍ୟାନ୍ବୟ କରାଯିବା ଦାବି କରିଛନ୍ତି ।

ଏଠି ଉଲ୍ଲେଖ ଥାଉ କି, ଓଡ଼ିଶାର ମୋଟ ଜନସଂଖ୍ୟାର ୫୪% ଅଂଶ OBC ଥିବା ସତ୍ତ୍ବେ ସେମାନେ ସମସ୍ତ ଅଧିକାରରୁ ବଞ୍ଚିତ । ଛାତ୍ର କଂଗ୍ରେସ ଏହି ଅନ୍ୟାୟ ବିରୁଦ୍ଧରେ ଅନ୍ଦୋଳନ କରି ରାଜ୍ୟ ସରକାର ଓ ଗଭର୍ନରଙ୍କ ଦ୍ରଷ୍ଟି ଆକର୍ଷଣ କରିଛନ୍ତି।

ଆଜିର ଧାରଣା ସମୟରେ ଭାରି ବର୍ଷା ପଡ଼ିଥିଲେ ମଧ୍ୟ, ଛାତ୍ର ଓ ନେତୃତ୍ବ ନେଉଥିବା ଉଦିତ ପ୍ରଧାନଙ୍କ ସହିତ ଅନେକ ଛାତ୍ର ମାନେ ନିରନ୍ତର ଛଅ ଘଣ୍ଟା ଧାରଣା ଜାରି ରଖୁଥିଲେ I ଛାତ୍ର ମାନଙ୍କ ଦୃଢସଂକଳ୍ପ ଦେଖ୍ ଓଡ଼ିଶା ପ୍ରଦେଶ କଂଗ୍ରେସ କମିଟି (PCC) ଅଧ୍ଯକ୍ଷ ଶ୍ରୀ ଭକ୍ତଚରଣ ଦାସ ମଧ୍ଯ ଧାରଣାରେ ଯୋଗଦେଇ ଛାତ୍ରମାନଙ୍କ ସହ ଯୋଗ ଦେଇ ଛାତ୍ର କଂଗ୍ରେସର ଦାବି କୁ ସମର୍ଥନ କରିଥିଲେ ।

ଆଜି ରାଜ୍ୟପାଳଙ୍କୁ ଏକ ଦାବିପତ୍ର ଦିଆଯାଇ, ଓଡ଼ିଶାରେ ୨୭% OBC ସଂରକ୍ଷଣ ନିମନ୍ତେ ବୈଧ ଓ ତୁରନ୍ତ ପଦକ୍ଷେପ ନେବା ପ୍ରସ୍ତାବ ରହିଛି |

ଛାତ୍ର କଂଗ୍ରେସ ଅଧ୍ଯକ୍ଷ ଉଦିତ ପ୍ରଧାନ କହିଛନ୍ତି ଯେ, ଯଦି ଓବିସି ବର୍ଗ ଏହି ସମୟରେ ସଂବିଧାନିକ ଅଧୁକାର ପାଇଁ ପଛୁଆବର୍ଗ ନ ଲଢ଼ତ୍ତି ଏବଂ ୨୭% ସଂରକ୍ଷଣ ପ୍ରାପ୍ତ ନକରନ୍ତି, ତେବେ ଆସନ୍ତା ୫୦ ବର୍ଷରେ ଓବିସି ବର୍ଗ ସମାଜର ସବୁଠାରୁ ପଛୁଆବର୍ଗ ଶ୍ରେଣୀ ଭାବେ ବିବେଚନା ହେବେ।

ପ୍ରଧାନ ଅଧୂକ କହିଛନ୍ତି, ଓଡ଼ିଶାରେ ୧ କୋଟିରୁ ଅଧିକ ଗରିବ ଓବିସି ନାଗରିକ ଅଛନ୍ତି, ଯାହାଙ୍କ ପାଇଁ ସଂରକ୍ଷଣ ଏକ ଅବଶ୍ୟକ ଏହା ସେମାନଙ୍କ ଲାଗି ଏକ ଅସ୍ତ୍ର ଅଟେ | ସଂରକ୍ଷଣ ତାଙ୍କୁ ଶିକ୍ଷା, ଚାକିରି ଓ ସମାଜରେ ସମ୍ମାନ ପାଇବାର ଅଧିକାର ଦେଇଥାଏ I ବିଜେପି ସରକାର ଓବିସି ବର୍ଗ ସହିତ ଖେଳ ଖେଳୁଛି। ୧୧.୨୫% ସଂରକ୍ଷଣ ଏହି ବର୍ଗ ପାଇଁ ଅନ୍ୟାୟ ଓ ଅପମାନ ସମାନ ।

ଓଡ଼ିଶା ଛାତ୍ର କଂଗ୍ରେସ ଏହି ମାମଲାକୁ ଗମ୍ଭୀରତା ସହ ନେଉଛି ଓ ସରକାର ସମ୍ମୁଖରେ ଚାପ ସୃଷ୍ଟି କରିବାକୁ ଲକ୍ଷ୍ୟ ରଖୁଛି I ଯଦି ଓବିସି ମାନଙ୍କୁ ସଂବିଧାନ ଅନୁଯାୟୀ ସୁନିଶ୍ଚିତ ଅଧିକାର ଦିଆଯିବ ନାହିଁ, ତେବେ ଓଡ଼ିଶା ସାରା ଦୃଢ଼ ଆନ୍ଦୋଳନ ହେବ ।

ଓଡ଼ିଶା ଛାତ୍ର କଂଗ୍ରେସ ସମସ୍ତ ଓବିସି ଯୁବକ, ଛାତ୍ର ଓ ସଚେତନ ନାଗରିକଙ୍କୁ ଆହ୍ବାନ ଜଣାଉଛି ଯେ ସେମାନେ ଏହି ଆନ୍ଦୋଳନରେ ଏକଠି ହେଇ ସଂବିଧାନ ଓ ଅଧିକାର ପାଇଁ ସଂଘର୍ଷ କରନ୍ତୁ |