ସରସ୍ଵତୀ ଶିଶୁ ବିଦ୍ୟାମନ୍ଦିର ଦେଉଳବେଡ଼ା କୋଲିୟରୀର ୩୧ ତମ ବାର୍ଷିକ ଉତ୍ସବ

ତାଳଚେର: ସରସ୍ଵତୀ ଶିଶୁ ବିଦ୍ୟାମନ୍ଦିର ଦେଉଳବେଡ଼ା କୋଲିୟରୀର ୩୧ ତମ ବାର୍ଷିକ ଉତ୍ସବ ତା ୨୦/୧୨/୨୪ ରିଖ ଶୁକ୍ରବାର ଦିନ ବଡ ସମାରୋହ ରୂପେ ପାଳିତ ହୋଇଯାଇଛି । ଉତ୍ସବର ପ୍ରଥମ ପର୍ଯ୍ୟାୟରେ ଅତିଥି ମାନଙ୍କୁ ସ୍ବାଗତ କରାଯାଇ ମଞ୍ଚ କୁ ଆମନ୍ତ୍ରଣ କରାଯାଇଥିଲା । ବାର୍ଷିକ ଉତ୍ସବର ମୁଖ୍ୟ ଅତିଥି ରୂପେ ତାଳଚେର ଉପଖଣ୍ଡ ର ଉପଜିଲ୍ଲାପାଳ ମାନନୀୟ ଶ୍ରୀଯୁକ୍ତ ସମୀର କୁମାର ଜେନା ଉପସ୍ଥିତ ରହି ଶିଶୁ ଭାଇଭଉଣୀ ଏବଂ ଅଭିଭାବକ ଅଭିଭାବିକା ମାନଙ୍କୁ ଜୀବନରେ ଶିଶୁ ମନ୍ଦିର ଦ୍ଵାରା ଦିଆଯାଉଥିବା ନୈତିକ ଓ ଆଧ୍ୟାତ୍ମିକ ଶିକ୍ଷାକୁ ଗ୍ରହଣ କରି ଭବିଷ୍ୟତ ଗଠନ କରିବାପାଇଁ ନିମନ୍ତେ ପ୍ରେରିତ

କରିଥିଲେ । ବାର୍ଷିକ ଉତ୍ସବରେ ସମ୍ମାନିତ ଅତିଥି ଭାବେ ମାନନୀୟ ଶ୍ରୀଯୁକ୍ତ ଆଶିଷ ରଂଜନ, ଲିଙ୍ଗରାଜ କ୍ଷେତ୍ରର S.O Mining ଉପସ୍ଥିତ ଥିଲେ । ମୂଖ୍ୟ ବକ୍ତା ରୂପେ ବିଦ୍ୟା ଭାରତୀ ପୂର୍ବ କ୍ଷେତ୍ରର ସହ ମନ୍ତ୍ରୀ ମାନନୀୟ ଶ୍ରୀଯୁକ୍ତ ହେମନ୍ତ କୁମାର ପାଣିଗ୍ରାହୀ ଶିଶୁ ମାନଙ୍କୁ ଦେଶ ଗଠନରେ ଭାରତୀୟତା ର ମନୋଭାବ ରଖି କାର୍ଯ୍ୟ କରିବାର ପରାମର୍ଶ ଦେଇଥିଲେ । ବିଦ୍ୟାଳୟର ସଭାପତି ଶ୍ରୀଯୁକ୍ତ ହେମନ୍ତ କୁମାର ଶତପଥୀ ସଭାର ସଭାପତିତ୍ବ କରିଥିଲାବେଳେ ସଂପାଦକ ଶ୍ରୀଯୁକ୍ତ ସରୋଜ କୁମାର ପ୍ରଧାନ ଅତିଥି ପରିଚୟ କରାଇଥିଲେ । ବାର୍ଷିକ ଉତ୍ସବର ମୁଖ୍ୟ ବିଚାର ବିଦ୍ୟାଳୟ ବାର୍ଷିକ କାର୍ଯ୍ୟ ଯୋଜନାର ବିବରଣୀ କୁ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ବାବୁଲି ସାମଲ ପାଠ କରି ସମସ୍ତଙ୍କୁ ଅବଗତ କରାଇଥିଲେ । ବିଦ୍ୟାଳୟର ସମସ୍ତ ପରିଚାଳନା ସମିତିର ସଦସ୍ୟ ସଦସ୍ୟା ଓ ୪୬ ଜଣ ଗୁରୁଜୀ ଗୁରୁମା ଙ୍କ ସହଯୋଗରେ ଉତ୍ସବ ପରିଚାଳିତ ହୋଇଥିଲା । ବାର୍ଷିକ ଉତ୍ସବରେ ଅଭିଭାବକ ଅଭିଭାବିକା ମାନଙ୍କର ପ୍ରତିଯୋଗିତା ର ପୁରସ୍କାର ଓ ମୂଖ୍ୟ ମନ୍ତ୍ରୀ ଶିକ୍ଷା ବୃତ୍ତି ଓ ମୂଖ୍ୟ ମନ୍ତ୍ରୀ ଭାଷା ବୃତ୍ତି ପାଇଥିବା ୧୬ ଜଣ ଛାତ୍ରଛାତ୍ରୀ ଙ୍କୁ ପୁରସ୍କୃତ କରାଯାଇଥିଲା । ରଙ୍ଗମଞ୍ଚିୟ କାର୍ଯ୍ୟ କ୍ରମରେ ବିଦ୍ୟାଳୟର ପ୍ରାରମ୍ଭ ଶ୍ରେଣୀ ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ୭୨୫ ଜଣ ଛାତ୍ରଛାତ୍ରୀ ଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ କରାଯାଇ ଦର୍ଶକ ମାନଙ୍କୁ ଉତ୍ସାହିତ କରିଥିଲେ । ପାଗର ପ୍ରତିକୂଳ ପରିସ୍ଥିତିରେ ମଧ୍ୟ ବାର୍ଷିକ ଉତ୍ସବ କିପରି କରାଯାଏ ତାହା ପ୍ରଦର୍ଶିତ କରି ଉତ୍ସବ କୁ ସମାପନ କରାଯାଇଥିଲା ।