Breaking News

ଟ୍ରକ କୁ ପଛପଟୁ ଧକ୍କାଦେଲା ସ୍କର୍ପିଓ : ୩ ମୃତ, ୨ ଗୁରୁତର

FMNEWS.IN 02-03-2025

Scorpio hits truck from behind: 3 dead, 2 seriously injured

ବରଗଡ଼, ୧ ମାର୍ଚ୍ଚ - ମେଲଛାମୁଣ୍ଡା ଥାନା ଘେଁସ ସାନଝୋର ଠାରେ ଘଟିଥିବା ମର୍ମନ୍ତୁଦ ସଡକ ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି । ମୃତକମାନଙ୍କ ମଧ୍ୟରେ ମାଆ ଲିଲି ବେହେରା (୨୨), ପୁଅ ଅଂଶୁମାନ ବେହେରା (୯) ଏବଂ ଡ୍ରାଇଭର ଉଦୟ ସିଂ ସିଦାର (୪୦) ବୋଲି ଜଣାପଡିଛି । ସେହିପରି ମୃତା ଲିଲି ବେହେରାଙ୍କ ସ୍ୱାମୀ ନୈମିଷ ବେହେରା ଏବଂ ୬ ବର୍ଷର ଝିଅ ଅଂଶିକା ବେହେରା ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି । ମୃତାହତ ମାନେ ଛତିଶଗଡ ରାଜ୍ୟ ରାୟଗଡ ଝିକାବାହାଲ ଗ୍ରାମର ବୋଲି ଜଣାପଡିଛି । ସୋହେଲା -ପଦ୍ମପୁର ରାସ୍ତାର ଘେଁସ ସାନଝୋର ନିକଟରେ ସିଜି୧୩ଏୱାଇ-୯୦୫୪ ନମ୍ବରର ସ୍କର୍ପିଓ ଛିଡା ହୋଇଥିବା ଟ୍ରକକୁ ପଛପଟୁ ଧକ୍କା ଦେଇଥିଲା । ଫଳରେ ସ୍କର୍ପିଓଟି ଚୁରମାର ହୋଇଯିବା ସହ ସେଥିରେ ବସିଥିବା ପାଂଚ ଜଣ ଗୁରୁତର ଆହତ ହୋଇଥିଲେ । ପରେ ସେମାନଙ୍କ ମଧ୍ୟରୁ ମାଆ ପୁଅ ଏବଂ ଡ୍ରାଇଭରଙ୍କ ମୃତ୍ୟୁ ଘଟିଥିଲା । ସେହିପରି ବାପା ଏବଂ ଝିଅ ଗୁରୁତର ଅବସ୍ଥାରେ ବର୍ତମାନ ଚିକିତ୍ସିତ ହେଉଛନ୍ତି । ଦୁର୍ଘଟଣାଗ୍ରସ୍ତ ସ୍କର୍ପିଓ ଛତିଶଗଡ ରାୟଗଡରୁ ସୋହେଲା ରାସ୍ତା ଦେଇ ପଦ୍ମପୁର ଯାଉଥିବା ସୂଚନା ମିଳିଛି ।