ସ୍ୱାସ୍ଥ୍ୟ ଏବଂ ଶିକ୍ଷା କ୍ଷେତ୍ରର ପ୍ରତିନିଧୀଙ୍କ ସହ ସୀତାରମଣ ଷଷ୍ଠ ପ୍ରି-ବଜେଟ୍ ବୈଠକ
(FMNews):ନୂଆଦିଲ୍ଲୀ:- ସୋମବାର ରାଜଧାନୀ ନୂଆଦିଲ୍ଲୀରେ ସ୍ୱାସ୍ଥ୍ୟ ଏବଂ ଶିକ୍ଷା କ୍ଷେତ୍ରର ବିଶେଷଜ୍ଞ ତଥା ପ୍ରତିନିଧୀଙ୍କ ସହ କେନ୍ଦ୍ର ଅର୍ଥ ଏବଂ କର୍ପୋରେଟ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣ ଷଷ୍ଠ ବଜେଟ୍ର ପ୍ରି-ବଜେଟ୍ ପରାମର୍ଶ ବୈଠକ କରିଛନ୍ତି। ଏହି ବୈଠକରେ କେନ୍ଦ୍ର ବଜେଟ୍ ୨୦୨୫-୨୬ ପାଇଁ ପ୍ରସ୍ତୁତିର ଏକ ଅଂଶ ଭାବରେ ସ୍ୱାସ୍ଥ୍ୟ ଏବଂ ଶିକ୍ଷା କ୍ଷେତ୍ରର ପ୍ରତିନିଧୀମାନେ ସୀତାରମଣଙ୍କୁ ଅନେକ ପରାମର୍ଶ ଦେଇଥିଲେ।
ଏହି ସଭାରେ ଅଧ୍ୟକ୍ଷତା କରୁଥିବାବେଳେ ସୀତାରମଣ ବିଶେଷଜ୍ଞ ତଥା ସ୍ୱାସ୍ଥ୍ୟ ଏବଂ ଶିକ୍ଷା କ୍ଷେତ୍ରର ପ୍ରତିନିଧୀଙ୍କଠାରୁ ପରାମର୍ଶ ନେଇଥିଲେ।
ଅର୍ଥ ସଚିବ, ବିନିଯୋଗ ଏବଂ ଜନ ସମ୍ପଦ ପରିଚାଳନା ବିଭାଗର ସଚିବ, ଅର୍ଥନୈତିକ ବ୍ୟାପାର ବିଭାଗ ଏବଂ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ, ଭାରତ ସରକାର, ବିଦ୍ୟାଳୟ ଶିକ୍ଷା ଏବଂ ସାକ୍ଷରତା ବିଭାଗ ଏବଂ ସ୍ୱାସ୍ଥ୍ୟ ଅନୁସନ୍ଧାନ ବିଭାଗ ସହିତ ସଚିବ ଏହି ବୈଠକରେ ଦେଶର ମୁଖ୍ୟ ଅର୍ଥନୈତିକ ପରାମର୍ଶଦାତା ମଧ୍ୟ ଉପସ୍ଥିତ ଥିଲେ।
ଅର୍ଥମନ୍ତ୍ରୀ ନିର୍ମଳା ସୀତାରମଣ ଆସନ୍ତା ଆର୍ଥକ ବର୍ଷ ୨୦୨୫-୨୬ ପାଇଁ କେନ୍ଦ୍ର ବଜେଟକୁ ଫେବୃଆରୀ ୧, ୨୦୨୫ ରେ ଉପସ୍ଥାପନ କରିବେ। ଆର୍ଥକ ବିକାଶକୁ ପ୍ରୋତ୍ସାହିତ କରୁଥିବା କେନ୍ଦ୍ର ବଜେଟ୍ ଗଠନ ପାଇଁ ପୂର୍ବ-ବଜେଟ୍ ପରାମର୍ଶ ବୈଠକ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହି ସଭାଗୁଡ଼ିକରେ ପ୍ରାପ୍ତ ପରାମର୍ଶ ବିଭିନ୍ନ ହିତାଧିକାରୀଙ୍କ ଆବଶ୍ୟକତା ପୂରଣ କରିବାରେ ସାହାଯ୍ୟ କରେ ।
