- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ମଧ୍ୟପ୍ରଦେଶର ଜବଲପୁରରେ ୪ ଜଣଙ୍କୁ ହତ୍ୟା : ରାସ୍ତାରେ ଗୋଡେଇ ଗୋଡେଇ ପିଟି ମାରିଲେ
ଜବଲପୁର:ମଧ୍ୟପ୍ରଦେଶର ଜବଲପୁର ଜିଲ୍ଲା ହେଡକ୍ୱାର୍ଟର ଠାରୁ ପ୍ରାୟ ୨୫ କି.ମି. ଦୂର ପାଟନ ଅଂଚଳରେ ସୋମବାର ସକାଳେ ଦୁଇ ଗୋଷ୍ଠିଙ୍କ ମଧ୍ୟରେ ବିବାଦ ବେଳେ ଗୋଟିଏ ଗୋଷ୍ଠି ଅନ୍ୟ ଗୋଷ୍ଠିର ତଥା ଗୋଟିଏ ପରିବାର ୪ ଜଣଙ୍କୁ ହତ୍ୟା କରିଛି । ମୃତକଙ୍କ ମଧ୍ୟରେ ଦୁଇ ଭାଇ ରହିଛନ୍ତି । କୁହାଯାଉଛି ଯେ, ନିଜ ନିଜ ମଧ୍ୟରେ ବିବାଦକୁ ନେଇ ଗ୍ରାମର ଗୋଟିଏ ପରିବାରର ଲୋକ ଅନ୍ୟ ଏକ ପରିବାର ଲୋକଙ୍କ ଉପରେ ଆକ୍ରମଣ କରିଥିଲେ । ଦୁଇ ପରିବାର ମଧ୍ୟରେ ଦୀର୍ଘ ଦିନ ଧରି ବିବାଦ ଲାଗି ରହିଥିଲା । ଏ ସମ୍ପର୍କରେ ଖବର ପାଇବା କ୍ଷଣି ପୋଲିସ ଟିମ୍ ଘଟଣାସ୍ଥଳରେ ପହଂଚିଛି ।
ପାଟନ ପୋଲିସର ସୂଚନା ମୁତାବକ, ପାଟନ ଅଂଚଳର ଟିମରି ଗ୍ରାମରେ ଦୁଇ ପକ୍ଷଙ୍କ ମଧ୍ୟରେ ବିବାଦକୁ ନେଇ ସୋମବାର ସକାଳେ ତନ୍ମଧ୍ୟରୁ ଗୋଟିଏ ପକ୍ଷର ଲୋକ ଅନ୍ୟ ପକ୍ଷ ଉପରେ ଆକ୍ରମଣ କରିଛନ୍ତି । ସେମାନେ ଗୋଡେଇ ଗୋଡେଇ ଲୋକଙ୍କୁ ପିଟି ପିଟି ହତ୍ୟା କରିଛନ୍ତି ।
ଏହି ଘଟଣା କ୍ରମରେ କୁନ୍ଦନ, ଚନ୍ଦନ, ଅନିକେତ ଏବଂ ସମୀର ଦୁବେ ନାମକ ୪ ଜଣ ଯୁବକଙ୍କ ମୃତ୍ୟୁ ଘଟିଛି । ଖବର ପାଇବା କ୍ଷଣି ପାଟନ ପୋଲିସ ଓ ନୁନସର ପୋଲିସ ଚୌକିର ଟିମ୍ ସହିତ ଜିଲ୍ଲାର ବରିଷ୍ଠ ଅଧିକାରୀ, ପାଟନ ବିଧାୟକ ଅଜୟ ବିଶ୍ନୋଇ, କଲେକ୍ଟର ଦୀପକ ସକ୍ସେନା ଏବଂ ଏସପି ସମ୍ପତ ଉପାଧ୍ୟାୟ ମଧ୍ୟ ଘଟଣାସ୍ଥଳରେ ପହଂଚିଛନ୍ତି
