Breaking News

ନାତିର ଟାଙ୍ଗିଆ ଚୋଟରେ ଅଜାର ମୃତ୍ୟୁ

FMNEWS.IN 17-03-2025

ଜୟପୁର, ୧୭ ମାର୍ଚ୍ଚ - ନାତିର ଟାଙ୍ଗିଆ ଚୋଟରେ ଅଜାର ମୃତ୍ୟୁ ହୋଇଥିବା ନେଇ ସୋମବାର ଜୟପୁର ସଦର ଥାନାରେ ଅଭିଯୋଗ ହୋଇଛି । ଜୟପୁର ସୌରାଗୁଡାର ରତ୍ନା ନାଗ ଲିଖିତ ଅଭିଯୋଗ କରିଥିଲେ । ତାଙ୍କ ଅଭିଯୋଗ ପତ୍ରରେ ଉଲ୍ଲେଖ କରିଥିଲେ ଯେ, ୧୬.୩.୨୫ ତାରିଖରେ ରାତ୍ର ୮ଟାରେ ଅଭିଯୁକ୍ତ ନାତି ବିଶ୍ୱନାଥ ସୌରା ଏକ ଟାଙ୍ଗିଆରେ ଅଜା ଘନପତି ସୌରାକୁ ଆକ୍ରମଣ କରିଥିଲା । ଅଭିଯୁକ୍ତ ବିଶ୍ୱନାଥ ସୌରାଙ୍କ ପତ୍ନି ସୁଭଦ୍ରା ସୌରା ଆକ୍ରମଣ କରିବାକୁ ମନା କରିଥିଲେ ମଧ୍ୟ ବିଶ୍ୱନାଥ ଶୁଣିନଥିଲେ । ଟାଙ୍କିଆ ଆକ୍ରମଣରେ ଘନପତି ସୌରା ଗୁରୁତର ହୋଇ ପଡିଥିଲେ । ତାଙ୍କୁ ଜୟପୁର ସ୍ଥିତ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ । ଏନେଇ ବୋହୁ ରତ୍ନା ନାଗଙ୍କ ଲିଖିତ ଅଭିଯୋଗ କ୍ରମେ ଜୟପୁର ସଦର ପୋଲିସ ୮୪/୨୫ ରେ ଏକ ହତ୍ୟା ମାମଲା ରୁଜୁ କରିଛି । ସାଇଣ୍ଟିଫିକ ଟିମ, ସନ୍ଧାନୀ କୁକୁର ତଦନ୍ତ କରି ଫେରିଥିବା ବିଷୟ ସଦର ଥାନା ଅଧିକାରି ସଚିନ୍ଦ୍ର ପ୍ରଧାନ ସୂଚନା ଦେଇଛନ୍ତି ।