ଏକତରଫା ପ୍ରେମ କରି ରଶିକ ପ୍ରେମିକ ଗିରଫ

ଧର୍ମଶାଳା,୧୫ଜାନୁଆରୀ ଏକତରଫା ପ୍ରେମ କରି ରଶିକ ପ୍ରେମିକ ଗିରଫ । ପ୍ରେମରେ ନିରାଶ ହେବା ପରେ ପ୍ରେମିକାଙ୍କ ମୋବାଇଲ ଭାଙ୍ଗି ମାଡ ମାରିବା ସହ ଉପରକୁ ଏସିଡ ପକାଇ ଦେବା ଘଟଣା ଥାନାରେ ଅଭିଯୋଗ ପରେ ପୋଲିସ ପ୍ରେମିକକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲା ରସୁଲପୁର ବ୍ଲକ ବ୍ରହ୍ମବରଦା ଥାନା ଅଂଚଳରେ । ଏଭଳି ଘଟଣାକୁ ନେଇ ଅଂଚଳରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ଗିରଫ ପ୍ରେମିକ ଜଣକ ହେଲେ ଧର୍ମଶାଳା ଥାନା ଅନ୍ତର୍ଗତ ଭଗବାନପୁର ଗ୍ରାମର ଅକ୍ଷୟ ପରିଡାଙ୍କ ପୁଅ ଅଭିନାଶ(୨୭)ବୋଲି ଜଣାପଡିଛି ।

ଅଭିଯୋଗ ମୁତାବକ,ବ୍ରହ୍ମବରଦା ଥାନା ଅନ୍ତର୍ଗତ ବନ୍ଧଡିହ ପଂଚାୟତ ଆଖୁଆକୂଳ ଗ୍ରାମର ସୁଦାମ ନାୟକଙ୍କ ଝିଅ ସବୁ ଦିନ ଏକ ଲୁଗା ଦୋକନକୁ କାମ କରିବାକୁ ଯାଇଥାଏ । ରାସ୍ତାରେ ଯିବା ସମୟରେ ଧର୍ମଶାଳା ଥାନା ଅନ୍ତର୍ଗତ ଭଗବାନପୁର ଗ୍ରାମର ଅକ୍ଷୟ ପରିଡାଙ୍କ ପୁଅ ଅଭିନାଶ ତାଙ୍କୁ ପିଛା କରି ଆସିଥାଏ । କିଛି ଦିନ ପରେ ଯବୁତୀଙ୍କୁ ପ୍ରେମ ନିବେଦନ କରି ବିଫଳ ହୋଇଥିଲା । ପ୍ରେମରେ ନିରାଶ ହେବା ପରେ ଅନେକ ସମୟରେ ଉଭୟଙ୍କ ମଧ୍ୟରେ ସାମାନ୍ୟ ବଚସା ହୋଇଥାଏ । ବାରମ୍ବାର ପ୍ରେମ ନିବେଦନ କରି ବିଫଳ ହେବା ପରେ ଅଭିନାଶ ଶେଷରେ ଅନେକ ଧମକ ଚମକ ଦେଇ ଥିଲା । ମଙ୍ଗଳବାର ଦିନ ମକର ସଂକ୍ରାନ୍ତି ଅବସରରେ ଯୁବତୀ ଜଣକ ସ୍ଥାନୀୟ ସପ୍ନେଶ୍ୱର ମନ୍ଦିରକୁ ପୂଜା କରିବାକୁ ଯାଇଥିଲେ । କୌଣସି ମତେ ଅଭିନାଶ ଖବର ପାଇ ଉକ୍ତ ମନ୍ଦିରକୁ ଯାଇଥିଲା । ସେଠାରେ ପ୍ରେମ କରିବା ସହ ବିବାହ କରିବାକୁ କହିଥିଲା । ଯୁବତୀ ଏହି କଥାକୁ ଗୁରୁତ୍ୱ ନ ଦେବାରୁ ଅଭିନାଶ ଯୁବତୀଙ୍କ ମୋବାଇଲକୁ ଭାଙ୍ଗି ନିକଟସ୍ଥ ନାଳକୁ ପିଙ୍ଗି ଦେଇଥିଲା । ପରେ ତାଙ୍କୁ ମାଡ ମାରି ଅସଦାଚରଣ କରିବା ସହ ଏସିଡ୍ ପକାଇ ମାରି ଦେବାକୁ ଧମକ ଦେଇଥିଲା । ତେବେ ସେହି ସମୟରେ ପାଟି ତୁଣ୍ଡ ହେବାରୁ ସ୍ଥାନୀୟ ଲୋକେ ଆସିବା ପରେ ଅଭିନାଶ ଘଟଣାସ୍ଥଳରୁ ଫେରାର ହୋଇଯାଇଥିଲା । ଏନେଇ ଯୁବତୀ ଜଣକ ଘରେ ଜଣାଇବା ସହ ବ୍ରହ୍ମବରଦା ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୋଲିସ କେସ୍ ନଂ ୧୦ା୨୫ରେ ଏକ ମାମଲା ରୁଜୁ କରି ଗତ କାଲି ବିଳମ୍ବିତ ରାତିରେ ପୋଲିସ ଘରୁ ଅଭିନାଶକୁ ଉଠାଇ ଆଣିଥିଲା । ଆଜି ତାକୁ କୋର୍ଟ ଚାଲାଣ କରାଯାଇଥିବା ନେଇ ଥାନା ଅଧିକାରିଣୀ ଅଂଶୁମାଳା ଦାସ ସୂଚନା ଦେଇଛନ୍ତି