- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ବେଆଇନ୍ କରତକଳ ଉପରେ ଚଢାଉ, ଲକ୍ଷାଧିକ ଟଙ୍କାର କାଠ ଓ ଯନ୍ତ୍ରାଂଶ ଜବତ
ଭଦ୍ରକ: ଭଦ୍ରକ ସାବରଙ୍ଗ ଥାନା ଅଧୀନସ୍ଥ ବେନ୍ତାଳ ଅଂଚଳରେ ଗତ କିଛିବର୍ଷ ଧରି ଚୋରା କରତକଳ ଚାଲିଆସୁଥିବାବେଳେ କୌଣସି ସୂତ୍ରରୁ ଖବର ପାଇ ଭଦ୍ରକ ବନ୍ୟପ୍ରାଣୀ ବିଭାଗ ଚଢାଉ କରିଛି। ଏହି ଚଢାଉରେ ଲକ୍ଷାଧିକ ଟଙ୍କାର ଯନ୍ତ୍ରାଂଶ ଓ କାଠ ଜବତ ହୋଇଛି। ପ୍ରାପ୍ତ ଖବରରୁ ଯାହା ଜଣାଯାଏ ବେନ୍ତାଳ ଅଂଚଳରେ ଏହି ଚୋରା କରତକଳଟି ବାରମ୍ବାର ଚାଲିଆସୁଥିବାବେଳେ ବନ୍ୟପ୍ରାଣୀ ବିଭାଗ ଦ୍ୱାରା ଧରାପଡିଛି। ତେବେ ସେ ବହୁବାର ଧରାପଡିଥିଲେ ମଧ୍ୟ ପୁନର୍ବାର ନିଜର ଏହି ବେଆଇନ୍ କାର୍ଯ୍ୟ କରିଆସୁଥିବା ବିଷୟ ଜଂଗଲ ବିଭାଗ ଜାଣିପାରିଥିଲା।
ଫଳରେ ଆଜି ଏସସିଏଫ୍ ସୁମିତ ମହାନ୍ତି, ରେଂଜର ପିତାମ୍ବର ନାୟକଙ୍କ ନେତୃତ୍ୱରେ ଆଗରପଡା ଫରେଷ୍ଟର ପ୍ରଶାନ୍ତ ମାଝୀ, ବାସୁଦେବପୁର ଫରେଷ୍ଟର ସୁଶୀଲ ସିଂ ଓ ଭଣ୍ଡାରିପୋଖରୀ ଫରେଷ୍ଟର କୃଷ୍ଣଚନ୍ଦ୍ର ବାସ୍କେଙ୍କ ସମତେ ପ୍ରୋଟେକସନ ସ୍କ୍ୱାର୍ଡ ଓ ସାବରଙ୍ଗ ଥାନା ପୁଲିସ୍ ଏହି କରତ କଳଟି ଉପରେ ଅଚାନକ ଚଢାଉ କରିଥିଲେ। ଏହି ଚଢାଉରେ ଫାଶୀ ଓ ଅର୍ଜୁନ ଜାତିର ପ୍ରାୟ ଏକ ଶହ ସିଫ୍ଟ ରାଉଣ୍ଡ ଲକ୍ ଜବତ ହୋଇଥିଲା। ଏହି କାଠଗୁଡିକର ମୂଲ୍ୟ ପ୍ରାୟ ୫୦ ହଜାର ଟଙ୍କା ହୋଇଥିବାବେଳେ ଯନ୍ତ୍ରାଂଶକୁ ମିଶାଇ ଲକ୍ଷାଧିକ ଟଙ୍କାର ସାମଗ୍ରୀ ଜବତ ହୋଇଛି। ତେବେ ଏହି ଘଟଣାରେ କାହାରିକୁ ଗିରଫ କରାଯାଇନଥିବା ବିଷୟ ବିଭାଗୀୟ ସୂତ୍ରରୁ ଜଣାପଡିଛି।
