- ଟ୍ରମ୍ପଙ୍କ ୨୫ ପ୍ରତିଶତ ଟାରିଫ୍ ଭାରତର ଜିଡିପି ଉପରେ ନକାରାତ୍ମକ ପ୍ରଭାବ ପକାଇବ: ବିଶେଷଜ୍ଞ
- ଟ୍ରମ୍ପଙ୍କ ଭାରତ ଉପରେ ୨୫% ଟାରିଫ ଲାଗୁକୁ ନେଇ କଂଗ୍ରେସର ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ
- ବଳଙ୍ଗା ନାବାଳିକାଙ୍କୁ ପୋଡି ମାରିବା ଉଦ୍ୟମ ଘଟଣା : ରୂପା ମୁଦିକୁ ନେଇ ଖୋଳତାଡ଼, ମୁଦିକୁ ଚିହ୍ନିଲେ ଗହଣା ଦୋକାନୀ
- ମେଟ୍ରୋ ପ୍ରକଳ୍ପରେ ରାଜ୍ୟ ସରକାରଙ୍କ ଆଭିମୁଖ୍ୟ ସ୍ପଷ୍ଟ ନାହିଁ: ବିଜେଡି
- ଜଗଦଗୁରୁ ଶଙ୍କରାଚାର୍ଯ୍ୟଙ୍କୁ ଭେଟିଲେ ସେବାୟତ ଜଣାଇଲେ ମନ୍ଦିର ସମସ୍ୟା ଏବଂ ସେବାୟତଙ୍କ ଦୁଃଖ
ରାଜ୍ୟସ୍ତରୀୟ ସମ୍ବଲପୁରୀ ନାଟକ ପ୍ରତିଯୋଗିତାରେ ବିଶ୍ରାମ ମେହେର ପାଇବେ 'ଉଦୟନ ନାଟ୍ୟ ସମ୍ମାନ'
ସମ୍ବଲପୁର: - ଚଳିତ ମାସ ୨୪ ତାରିଖରୁ ୨୯ ତାରିଖ ପର୍ଯ୍ୟନ୍ତ ଝାଡୁଆପଡ଼ା ଆରଣ୍ୟକ ମଂଚ ଠାରେ ବୀର ସୁରେନ୍ଦ୍ର ସାଏ ୨୭ତମ ରାଜ୍ୟସ୍ତରୀୟ ସମ୍ବଲପୁରୀ ନାଟକ ପ୍ରତିଯୋଗିତା ଆୟୋଜିତ ହେବାକୁ ଯାଉଛି। ଯୁବ ଉଦୟନ ଅନୁଷ୍ଠାନ ପକ୍ଷରୁ ହୋଇ ଆସୁଥିବା ଏହି ପ୍ରତିଯୋଗିତାରେ ସମ୍ବଲପୁର ଜିଲ୍ଲା ସମେତ ବରଗଡ, ବଲାଙ୍ଗୀର, ସୋନପୁର, ଝାରସୁଗୁଡ଼ା ଓ କଳାହାଣ୍ଡି ଆଦି ପଶ୍ଚିମ ଓଡିଶାର ବିଭିନ୍ନ ଜିଲ୍ଲାର ୧୫ଟି ନାଟ୍ୟଦଳ ତାଙ୍କ ନାଟକ ମଂଚସ୍ଥ କରିବାକୁ ଯାଉଛନ୍ତି। ପ୍ରତିଯୋଗିତାର ଉଦଯାପନୀ ସନ୍ଧ୍ୟାରେ ଅଦୃଶ୍ୟ ନାଟ୍ୟ ଆଶ୍ରମ ନାଟ୍ୟସଂସ୍ଥା ପକ୍ଷରୁ ଏକ ପ୍ରଦର୍ଶନୀ ସମ୍ବଲପୁରୀ ନାଟକ ଇଟା ହିଁ ଜୀବନ ପ୍ରଦର୍ଶିତ ହେବ। ଏହି ଅବସରରେ ବିଶିଷ୍ଟ ନାଟ୍ୟାଭିନେତା ବରଗଡ ଜିଲ୍ଲା ପଦମପୁରର ବିଶ୍ରାମ ମେହେରଙ୍କୁ ଚଳିତ ବର୍ଷର ଉଦୟନ ନାଟ୍ୟ ସମ୍ମାନ ପ୍ରଦାନ କରାଯିବ । ପୂର୍ବରୁ ନାଟ୍ୟ ଅଭିନୟ ସହ ନାଟ୍ୟ ନିର୍ଦ୍ଦେଶନାକୁ ନେଇ ସେ ରାଜ୍ୟର ଅନେକ ନାଟ୍ୟ ତଥା ସାଂସ୍କୃତିକ ଅନୁଷ୍ଠାନ ଦ୍ୱାରା ସମ୍ମାନିତ ଓ ସମ୍ବର୍ଦ୍ଧିତ ହୋଇ ସାରିଛନ୍ତି। ଉଦଯାପନୀ ସଭାରେ ସେ ଅତିଥିଙ୍କ ଠାରୁ ଏହି ସମ୍ମାନ ଜନକ ସମ୍ମାନ ଗ୍ରହଣ କରିବେ ବୋଲି ସଭାପତି ସଞୟ କୁମାର ମିଶ୍ର ଓ ସମ୍ପାଦକ ଡ. ସିଦ୍ଧାର୍ଥ ପଣ୍ଡା ମିଳିତ ବିବୃତିରେ ପ୍ରକାଶ କରିଛନ୍ତି।
