ରୁଷ ସେନାରେ କାର୍ଯ୍ୟରତ ୧୨ ଜଣ ଭାରତୀୟଙ୍କ ମୃତ୍ୟୁ, ୧୬ ଜଣ ନିଖୋଜ
ନୂଆଦିଲ୍ଲୀ- ୟୁକ୍ରେନ ସହିତ ଚାଲିଥିବା ସଂଘର୍ଷ ସମୟରେ, ରୁଷ ସେନାରେ କାର୍ଯ୍ୟରତ ୧୨ ଜଣ ଭାରତୀୟଙ୍କ ମୃତ୍ୟୁ ହୋଇଛି ଏବଂ ୧୮ ଜଣ ଭାରତୀୟ ନିଖୋଜ ଅଛନ୍ତି। ଶୁକ୍ରବାର ଏଠାରେ ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି। ଆଜି ଏକ ସାପ୍ତାହିକ ସାମ୍ବାଦିକ ସମ୍ମିଳନୀରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚୀ ରୁଷ ସେନାରେ କାର୍ଯ୍ୟରତ ଥିବା ସମୟରେ କେରଳର ବିନିଲ ବାବୁଙ୍କ ମୃତ୍ୟୁକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରି କହିଛନ୍ତି ଯେ ପୀଡିତାଙ୍କ ପରିବାର ପ୍ରତି ଆମର ସମବେଦନା ଆମେ ପ୍ରକାଶ କରିଛୁ । ମୁଁ ମୋର ସମବେଦନା ଜଣାଇଛି।
ଏହା ସହିତ, ଅନେକ ପ୍ରଶ୍ନର ଉତରରେ ସେ କହିଛନ୍ତି ଯେ ଏପର୍ଯ୍ୟନ୍ତ ରୁଷ ସେନାରେ କାର୍ଯ୍ୟରତ ଭାରତୀୟମାନଙ୍କ ସହ ଜଡିତ ୧୨୬ଟି ମାମଲା ସାମ୍ନାକୁ ଆସିଛି। ଏହି ୧୨୬ ଟି ମାମଲା ମଧ୍ୟରୁ ୯୬ ଜଣ ଭାରତୀୟ ଘରକୁ ଫେରିଛନ୍ତି ଏବଂ ରୁଷ ସଶସ୍ତ୍ର ବାହିନୀରୁ ମୁକ୍ତ ହୋଇଛନ୍ତି। ୧୮ଟି ମାମଲା ମଧ୍ୟରୁ ୧୬ଟି ବିଷୟରେ, ରୁଷ ସେନା କହିଛି ଯେ ଏହି ଭାରତୀୟମାନଙ୍କ ବିଷୟରେ ଏହାର କୌଣସି ସୂଚନା ନାହିଁ। ରୁଷ ସେନା ତାଙ୍କୁ ନିଖୋଜ ଘୋଷଣା କରିଛି। ବାକି ଭାରତୀୟମାନଙ୍କୁ ଯଥାଶୀଘ୍ର ମୁକ୍ତ କରିବା ପାଇଁ ଦାବି ହୋଇଛି। ୧୨ ଜଣ ଭାରତୀୟଙ୍କ ମୃତ୍ୟୁ ହୋଇଛି।
ସେ ବିନିଲ ବାବୁଙ୍କ ମୃତ୍ୟୁକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରି କହିଛନ୍ତି ଯେ ଆମେ ପରିବାର ପ୍ରତି ଆମର ସମବେଦନା ପ୍ରକାଶ କରିଛୁ। ତାଙ୍କର ପାର୍ଥବ ଶରୀରକୁ ଯଥାଶୀଘ୍ର ଭାରତ ଅଣାଯିବା ନିଶ୍ଚିତ କରିବା ପାଇଁ ଆମର ଦୂତାବାସ ରୁଷ କର୍ତୃପକ୍ଷଙ୍କ ସହିତ ଯୋଗାଯୋଗରେ ଅଛି। ଆଉ ଜଣେ ଆହତ ବ୍ୟକ୍ତି ମସ୍କୋରେ ଚିକିତ୍ସାଧୀନ ଅଛନ୍ତି।
