- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ଦକ୍ଷିଣ-ପଶ୍ଚିମ ଜାପାନରେ ୬.୯ ତୀବ୍ରତାର ଭୂମିକମ୍ପ, ସୁନାମି ସତର୍କତା
ଟୋକିୟୋ, ୧୩ ଜାନୁଆରୀ: -ଦକ୍ଷିଣ-ପଶ୍ଚିମ ଜାପାନରେ ୬.୯ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଛି। ଭୂମିକମ୍ପ ପରେ ଜାପାନ ପାଣିପାଗ ସଂସ୍ଥା ସୁନାମି ଚେତାବନୀ ମଧ୍ୟ ଜାରି କରିଛି।
ପାଣିପାଗ ସଂସ୍ଥା ସୋମବାର କହିଛି ଯେ ରବିବାର ବିଳମ୍ବିତ ରାତିରେ ଦକ୍ଷିଣ-ପଶ୍ଚିମ ଜାପାନରେ ୬.୯ ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି, ଯାହାର କେନ୍ଦ୍ରସ୍ଥଳ ମିଆଜାକିରେ ଥିଲା। ଭୂମିକମ୍ପ ପରେ, ସଂସ୍ଥା ଦକ୍ଷିଣ-ପଶ୍ଚିମ ଦ୍ୱୀପ କ୍ୟୁଶୁ ଏବଂ ନିକଟସ୍ଥ କୋଚି ପ୍ରାନ୍ତ ପାଇଁ ସୁନାମି ଚେତାବନୀ ଜାରି କରିଛି। ଏଜେନ୍ସି ଅନୁଯାୟୀ, ସୁନାମି ଲହରୀ ଗୋଟିଏ ମିଟର ପର୍ଯ୍ୟନ୍ତ ପହଂଚିପାରେ। ତେଣୁ, ପ୍ରସ୍ତୁତି ବହୁତ ପୂର୍ବରୁ ଆରମ୍ଭ କରିବାକୁ ଯୋଜନା ଚାଲିଛି। ବର୍ତମାନ ଭୂମିକମ୍ପ ଯୋଗୁଁ ମୃତାହତ ସମ୍ପର୍କରେ କୌଣସି ସୂଚନା ନାହିଁ।
ଜାପାନ ଜ୍ୱାଳାମୁଖୀ ଆର୍କ, ରିଙ୍ଗ ଅଫ୍ ଫାୟାର ଏବଂ ପ୍ରଶାନ୍ତ ମହାସାଗରୀୟ ବେସିନରେ ଫଲ୍ଟ ରେଖା ନିକଟରେ ଅବସ୍ଥିତ ହୋଇଥିବାରୁ ଏହା ପ୍ରାୟତଃ ଭୂମିକମ୍ପର ସମ୍ମୁଖୀନ ହୁଏ। ଶେଷ ଥର ପାଇଁ ୨୦୧୧ ମସିହାରେ, ଭୂମିକମ୍ପ ପରେ ସୁନାମି ଜାପାନରେ ତାଣ୍ଡବ ସୃଷ୍ଟି କରିଥିଲା। ତାପରେ ସୁନାମି ତୋହୋକୁ ଉପକୂଳବର୍ତୀ ଅଂଚଳ ସହିତ ଅନେକ ପୌରପାଳିକା ଏବଂ ଅନେକ ପ୍ରାନ୍ତକୁ ଧ୍ୱଂସ କରିଦେଇଥିଲା। ଏଥିରେ ୧୫ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା।
