କରାଚୀ ସପିଂ ପ୍ଲାଜାରେ ନିଆଁ ଲାଗି ମୃତ୍ୟୁବରଣ କରିଥିବା ଲୋକଙ୍କ ସହଖ୍ୟା 8ରେ ପହଂଚିଲା, 58ରୁ ଅଧିକ ନିଖୋଜ
ଇସଲମାବାଦ, 19 ଜାନୁଆରି - ପାକିସ୍ତାନର ସିନ୍ଧ ଅଂଚଳର ରାଜଧାନୀ କରାଚୀର ଗୁଲ୍ ପ୍ଲାଜା ଶପିଂ ମଲ୍ରେ ଗତ ରାତିରୁ ଲାଗିଥିବା ନିଆଁକୁ ନିର୍ବାପିତ କରିବା ପାଇଁ ରବିବାର ବିଳମ୍ବିତରାତି ପର୍ଯ୍ୟନ୍ତ ଅଗ୍ନିଶମ ବିଭାଗର ଟିମ୍ଗୁଡ଼ିକ ଚେଷ୍ଟା ଜାରି ରଖିଥିଲେ। ସିନ୍ଧର ମୁଖ୍ୟମନ୍ତ୍ରୀ ମୁରାଦ ଅଲି ଶାହ ଏବଂ ଉଦ୍ଧାର ଦଳ ଏହି ଦୁର୍ଘଟଣାରେ ୮ ଜଣଙ୍କ ମୃତ୍ୟୁ ଘଟିଥିବାକୁ ସ୍ୱୀକାର କରିଛନ୍ତି ଏବଂ କହିଛନ୍ତି ଯେ ୫୮ ଜଣରୁ ଅଧିକ ଲୋକ ଏପର୍ଯ୍ୟନ୍ତ ନିଖୋଜ ଅଛନ୍ତି।
ଦୁନିଆ ନ୍ୟୁଜ୍ର ରିପୋର୍ଟ ଅନୁସାରେ, ମୁଖ୍ୟମନ୍ତ୍ରୀ ଶାହ ଅଗ୍ନିକାଣ୍ଡରେ ସମ୍ପୂର୍ଣ୍ଣ ଭାବେ ଧ୍ୱଂସ ହୋଇଥିବା ଜିନ୍ନା ରୋଡ଼ରେ ଅବସ୍ଥିତ ଗୁଲ୍ ପ୍ଲାଜାର ପରିଦର୍ଶନ କରିଥିଲେ। ଏହି ସମୟରେ ମାଧ୍ୟମ ସହ କଥାବାର୍ତ୍ତା କରି ମୁରାଦ ଅଲି ଶାହ କହିଥିଲେ ଯେ କିଛି ଲୋକ ଏହି ଦୁଃଖଦ ଘଟଣାକୁ ନେଇ ରାଜନୀତି କରୁଛନ୍ତି।
ସେ କହିଥିଲେ ଯେ ପ୍ରଧାନମନ୍ତ୍ରୀ ଏପର୍ଯ୍ୟନ୍ତ ତାଙ୍କ ସହ ସଂପର୍କ କରିନାହାନ୍ତି, କିନ୍ତୁ ପ୍ରାନ୍ତୀୟ ସରକାର ବ୍ୟାପାରୀମାନଙ୍କୁ ତାଙ୍କର ତିପୂରଣ ପାରଦର୍ଶୀ ପ୍ରକ୍ରିୟାରେ ପ୍ରଦାନ କରିବ। ମୁଖ୍ୟମନ୍ତ୍ରୀ କହିଥିଲେ ଯେ ଘଟଣା ସମୟରେ ସେ ସହରରେ ଉପସ୍ଥିତ ନଥିଲେ ଏବଂ ନିଆଁ ଲାଗିଥିବା ବିଷୟରେ ସେ ବିଳମ୍ବିତରାତିରେ ଜାଣିଥିଲେ।
