ସ୍ୱଦେଶ ଫେରିବା ପାଇଁ ଅଟାରୀ ବର୍ଡରରେ ପାକିସ୍ତାନ ନାଗରିକଙ୍କ ହଙ୍ଗାମା

FMNEWS.IN 26-04-2025

Pakistani nationals clash at Attari border to return home

ଚଣ୍ଡିଗଡ- ପାକିସ୍ତାନ ନାଗରିକଙ୍କୁ ଦେଶରୁ ବାହାରିବା ପାଇଁ ନିର୍ଦ୍ଦେଶ ପରେ ଶୁକ୍ରବାର ଦ୍ୱିତୀୟ ଦିନ ଅଟାରୀ ବର୍ଡରରେ ସାରା ଦିନ ମାହୋଲ ସରଗରମ ରହିଛି । ଏଠାରେ ପାକିସ୍ତାନୀ ନାଗରିକ ସେମାନଙ୍କ ଦେଶକୁ ଫେରିବା ପାଇଁ ବେଶ୍ ହଙ୍ଗାମା କରିଛନ୍ତି । ତଦନ୍ତ ପରେ ଜଣାପଡିଛି ଯେ, ଅନେକଙ୍କ ଭିସା ଅବଧି ସମାପ୍ତ ହୋଇଯାଇଛି । କିନ୍ତୁ ଏହାପରେ ସେ ଭାରତରେ ରହିଥିଲେ । ଏଭଳି ପାକିସ୍ତାନୀ ନାଗରିକ ଶୁକ୍ରବାର ଯେତେବେଳେ ଅଟାରୀ ବର୍ଡରରେ ପହଂଚିଥିଲେ, ବିଏସଏଫ ଓ କଷ୍ଟମ ଅଧିକାରୀ ସେମାନଙ୍କୁ ରୋକିଛନ୍ତି । ଅଟାରୀ ବର୍ଡରରେ ଆଜି ପ୍ରାୟ 12ରୁ ଅଧିକ ଏଭଳି ମହିଳା ପହଂଚିଛନ୍ତି, ଯେଉଁମାନଙ୍କ ବାପଘର ଭାରତରେ ଏବଂ ବିବାହ ପାକିସ୍ତାନରେ ହୋଇଛି, କିନ୍ତୁ ଏମାନଙ୍କୁ ପାକିସ୍ତାନୀ ନାଗରିକତା ମିଳିନି । ନିର୍ଦ୍ଦେଶ ରହିଛି ଭାରତୀୟ ପାସପୋର୍ଟ ଥିବା ଲୋକଙ୍କୁ ପାକିସ୍ତାନ ଯିବାକୁ ଦିଆ ନଯାଉ ।