- ବିହାରରେ ୧୭ରୁ ଆରମ୍ଭ ହେବ ଇଣ୍ଡିଆ ମେଂଟର ଭୋଟ୍ ଅଧିକାର ଯାତ୍ରା
- ପଞ୍ଚାୟତିରାଜ ବ୍ୟବସ୍ଥାକୁ ବିଜେପି ସବୁବେଳେ ନଷ୍ଟ କରି ଆସୁଛି : ଭକ୍ତ ଚରଣ ଦାସ୍
- ସରକାରୀ ବିଲ୍ଡିଂ ରଙ୍ଗ ପରିବର୍ତ୍ତନରେ ଦୁର୍ନୀତି ଅଭିଯୋଗ ଆଣିଲା କଂଗ୍ରେସ
- ଭୋଟ ଚୋରି ମାଧ୍ୟମରେ ଗଣତନ୍ତ୍ରକୁ ହତ୍ୟା କରିଛି ବିଜେପି- ରାଜ୍ୟ ମହିଳା କଂଗ୍ରେସ ସଭାନେତ୍ରୀ
- ନାରୀଙ୍କ ପାଇଁ ଅସୁରକ୍ଷିତ ହେଉଛି ଓଡ଼ିଶା, କୁମ୍ଭକର୍ଣ୍ଣ ନିଦ୍ରାରେ ସରକାର : ଭକ୍ତ
ଇରାନର ବେଲିଷ୍ଟିକ କ୍ଷେପଣାସ୍ତ୍ର ଆକ୍ରମଣରେ ସୋରୋକା ହସ୍ପିଟାଲ,ଇସ୍ରାଏଲର ବୋମା ବିସ୍ଫୋରଣରେ ଅରାକ ଜଳ ରିଏକ୍ଟର କ୍ଷତିଗ୍ରସ୍ତ
ତେଲ ଅବୀବ (ଇସ୍ରାଏଲ,ତେହରାନ(ଇରାନ)-ଇରାନ ଏବଂ ଇସ୍ରାଏଲ ମଧ୍ୟରେ ସାମରିକ ସଙ୍ଘର୍ଷର ସପ୍ତମ ଦିନରେ ଉଭୟ ପାର୍ଶ୍ୱରେ ବ୍ୟାପକ କ୍ଷୟକ୍ଷତି ହୋଇଛି।ଇସ୍ରାଏଲ କହିଛି ଯେ ଇରାନ ଆଜି ଏହାର ଜନବସତି ଅଞ୍ଚଳ ଏବଂ ହସ୍ପିଟାଲ ଉପରେ ବାଲିଷ୍ଟିକ କ୍ଷେପଣାସ୍ତ୍ର ମାଡ କରିଛି।ଇରାନ କହିଛି ଯେ ଇସ୍ରାଏଲ ସକାଳେ ଏହାର ଅରାକ ଭାରି ଜଳ ରିଆକ୍ଟର ଉପରେ ବୋମା ପକାଇଥିଲେ।ଆମେରିକାର ସୀଏନଏନ ଚ୍ୟାନେଲର ରିପୋର୍ଟ ଅନୁସାରେ ଇସ୍ରାଏଲ ସାମରିକ ଅଧିକାରୀ କହିଛନ୍ତି ଯେ ଇରାନ ଆଜି ଦର୍ଜନେ ବେଲିଷ୍ଟିକ କ୍ଷେପଣାସ୍ତ୍ର ମାଡ କରିଛି।ଏହି କ୍ଷେପଣାସ୍ତ୍ରଗୁଡିକ ମଧ୍ୟରୁ ଅନେକ ବେସାମରିକ ଅଞ୍ଚଳରେ ପଡିଥିଲା।ଏହା ଦକ୍ଷିଣ ଇସ୍ରାଏଲର ପ୍ରମୁଖ ସୋରୋକା ହସ୍ପିଟାଲ ସମେତ ଅନେକ ଜନବସତି ଅଞ୍ଚଳକୁ ପ୍ରବଳ କ୍ଷତି ପହଁଞ୍ଚାଇଥିଲା।ଅଧିକାରୀ ଜଣକ କହିଛନ୍ତି ଯେ ଇସ୍ରାଏଲ ଡିଫେନ୍ସଫୋର୍ସେଜ ହୋମଫ୍ରଣ୍ଟ କମାଣ୍ଡ ସର୍ଚ୍ଚ ଏଣ୍ଡ ରେସ୍କ୍ୟୁ ଟିମକୁ ପ୍ରଭାବିତ ଅଞ୍ଚଳକୁ ପଠାଯାଇଛି।ଏହି ଅଧିକାରୀ କହିଛନ୍ତି ଯେ ଦକ୍ଷିଣୀ ଇସ୍ରାଏଲ ସହର ବେୟର -ସେବାରେ ଏକ ପ୍ରମୁଖ ହସ୍ପିଟାଲ ଇରାନୀ ଆକ୍ରମଣରେ କ୍ଷତିଗ୍ରସ୍ତ ହୋଇଛି।
