8 ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କଲା ଶ୍ରୀଲଙ୍କା ନୌସେନା

FMNEWS.IN 13-01-2025

ନୂଆଦିଲ୍ଲୀ, 13 ଜାନୁଆରି:- ଶ୍ରୀଲଙ୍କା ନୌସେନା ତାର ଜଳକ୍ଷେତ୍ରରେ ମାଛ ଧରିବା ଅଭିଯୋଗରେ 8ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଛି । ଏହାସହିତ ମାଛଧରା ଦୁଇଟି ଡଙ୍ଗାକୁ ଶ୍ରୀଲଙ୍କା ନୌସେନା ଜବତ କରିଛି । ଶ୍ରୀଲଙ୍କା ନୌସେନା ପକ୍ଷରୁ ରବିବାର ଜାରି ଏକ ବିଜ୍ଞପ୍ତିରୁ ଏହି ସୂଚନା ମିଳିଛି ।

ବିଜ୍ଞପ୍ତିରେ କୁହାଯାଇଛି ଯେ, ଏହି ଗିରଫଦାରି ଶନିବାର ବିଳମ୍ବିତ ରାତିରେ ମନ୍ନାରର ଉତର ସାମୁଦ୍ରିକ ଅଂଚଳରେ ଆରମ୍ଭ ହୋଇଥିବା ଏହି ଅଭିଯାନ ସମୟରେ ହୋଇଛି । ଏହି ଗିରଫଦାରି ସହିତ ଚଳିତ ବର୍ଷ ଏବେ ସୁଦ୍ଧା 18 ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରାଯାଇଛି ଏବଂ ତିନୋଟି ଡଙ୍ଗା ଜବତ ହୋଇଛି ।