- କଂଗ୍ରେସ ସଂଗଠନ ସୃଜନ ଅଭିଯାନ : ତୃତୀୟ ଦିନରେ ଓଡିଶା ପହଁଞ୍ଚିଲେ ୭ କେନ୍ଦ୍ରୀୟ ପର୍ଯ୍ୟବେକ୍ଷକ
- 2025 ମସିହା ଶେଷକୁ ଜନଗଣନା ଆରମ୍ଭ ହେବ- ରାଜସ୍ୱ ମନ୍ତ୍ରୀ
- ‘ଭୋଟର ଅଧିକାର ଯାତ୍ରା’ ବିପ୍ଲବ ସମଗ୍ର ଦେଶକୁ ବ୍ୟାପିବ: ରାହୁଲ ଗାନ୍ଧୀ
- ନଭେମ୍ବର କିମ୍ବା ଡିସେମ୍ବରରେ ଓଡ଼ିଶା ଆସିବେ ରାହୁଲ ଗାନ୍ଧୀ
- ମୁଖ୍ୟମନ୍ତ୍ରୀ ରାହୁଲ ଗାନ୍ଧୀ ଓ କଂଗ୍ରେସ ଦଳକୁ ନିସର୍ତ କ୍ଷମା ମାଗନ୍ତୁ
ଟ୍ରମ୍ପ୍ଙ୍କ ମାନହାନି ମାମଲା: ରାଷ୍ଟ୍ରପତି ଫାଉଣ୍ଡେସନ୍କୁ ୧୫ ନିୟୁତ ଡଲାର ଓ କ୍ଷମା ମାଗିବ ଏବିସି ନ୍ୟୁଜ୍
ୱାସିଂଟନ୍: ଆମେରିକାର ପରବର୍ତ୍ତୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ବିରୋଧରେ ମିଥ୍ୟା ଖବର ପ୍ରସାରଣ କରି ମାନହାନୀ ମାମଲାରେ ଫସିଥିଲେ ଆମେରିକାର ଅନ୍ୟତମ ପ୍ରଭାବଶାଳୀ ଗଣମାଧ୍ୟମ ପ୍ରତିଷ୍ଠାନ ଏବିସି ନ୍ୟୁଜ୍। ଆଜି ଏହି ମାମଲାରେ ସମାଧାନ ନିମନ୍ତେ ଏବିସି ନ୍ୟୁଜ୍ କର୍ତ୍ତୃପକ୍ଷ ରାଜି ହୋଇଛନ୍ତି। ସର୍ତ୍ତ ଅନୁସାରେ, ଏବିସି ନ୍ୟୁଜ୍ ପ୍ରେସିଡେନ୍ସିଆଲ୍ ଫାଉଣ୍ଡେସନ୍ ଓ ମ୍ୟୁଜିଅମ୍କୁ ୧୫ ନିୟୁତ ଆମେରିକୀୟ ଡଲାର ପ୍ରଦାନ କରିବ। ଏହା ସହ ଆଇନ ପରିଚାଳନା ବାବାଦକୁ ଟ୍ରମ୍ଫ କରିଥିବା ଖର୍ଚ୍ଚ ୧ ନିୟୁତ ଡଲାର ମଧ୍ୟ ପ୍ରଦାନ କରିବ।
କେବଳ ସେତିକି ନୁହେଁ, ସର୍ବସାଧାରଣରେ ଏନେଇ କ୍ଷମାଯାଚନା କରିବ। ଏବିସି ନ୍ୟୁଜ୍ ପକ୍ଷରୁ ଜାରି କ୍ଷମା ଯାଚନାରେ ଉଲ୍ଲେଖ ରହିଛି, ୧୦ ମାର୍ଚ୍ଚ ୨୦୨୪ରେ ପ୍ରସାରିତ କାରୋଲିନାର ରିପବ୍ଲିକାନ୍ ପ୍ରାର୍ଥୀ ନାନ୍ସି ମେସ୍ଙ୍କ ସହ ଉଦ୍ଘୋଷକ ଜଜ୍ ଷ୍ଟେଫାନୋପୋଲୁସ୍ଙ୍କ ସାକ୍ଷାତକାରରେ ରାଷ୍ଟ୍ରପତି ଡୋନାଲ୍ଡ ଜେ ଟ୍ରମ୍ପ୍ଙ୍କ ସମ୍ପର୍କରେ ଦେଇଥିବା ମନ୍ତବ୍ୟ ନିମନ୍ତେ ଏବିସି ନ୍ୟୁଜ୍ ଓ ଉଦ୍ଘୋଷକ ଜଜ୍ ଷ୍ଟେଫାନୋପୋଲୁସ୍ ଦୁଃଖିତ। ଅପରପକ୍ଷରେ, ଏବିସି ନ୍ୟୁଜ୍ର ମୁଖପାତ୍ର କହିଛନ୍ତି, ଆମେ ଖୁସିଯେ ଉଭୟ ପକ୍ଷ ଏକ ବୁଝାମଣାରେ ପହଞ୍ଚିଛନ୍ତି। ସର୍ତ୍ତପାଳନପୂର୍ବକ କୋର୍ଟରେ ଦାଖଲ ହୋଇଥିବା ମାମଲାକୁ ଖାରଜ କରିବାକୁ ରାଜି ହୋଇଛନ୍ତି।
