- ପାକିସ୍ତାନ ଛାନିଆ : 'ଭାରତ ୨୪-୩୬ ଘଣ୍ଟା ମଧ୍ୟରେ ଆକ୍ରମଣ କରିବ' - ରାତି ଅଧିଆ ପିସି କରି ପାକିସ୍ତାନର ସୂଚନା ମନ୍ତ୍...
- ସମ୍ବିଧାନ ବଞ୍ଚାଅ ଅଭିଯାନ ପାଇଁ କଂଗ୍ରେସ ଦଳର ପର୍ଯ୍ୟବେକ୍ଷକ ନିଯୁକ୍ତ
- ଚାରିଧାମ ଯାତ୍ରା : ଯାତ୍ରା ରାସ୍ତାରେ ୪୩୦୦ରୁ ଅଧିକ ଘୋଡ଼ା-ଖଚର ଚାଳକ ସେବା ଯୋଗାଇବେ
- ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ପ୍ରାକ୍ ବାତ୍ୟା ପ୍ରସ୍ତୁତି ବୈଠକ
- ଜାତିସଂଘର ମହାସଚିବ କହିଛନ୍ତି- ଲୋକଙ୍କ ସ୍ୱାଧୀନତା ପାଇଁ ସାମ୍ବାଦିକତାର ସ୍ୱାଧୀନତା ଜରୁରୀ
ଜାତିସଂଘର ମହାସଚିବ କହିଛନ୍ତି- ଲୋକଙ୍କ ସ୍ୱାଧୀନତା ପାଇଁ ସାମ୍ବାଦିକତାର ସ୍ୱାଧୀନତା ଜରୁରୀ
ନୂଆଦିଲ୍ଲୀ:- ବିଶ୍ୱ ପ୍ରେସ୍ ସ୍ୱାଧୀନତା ଦିବସ (୩ ମଇ) ଅବସରରେ ଜାତିସଂଘର ମହାସଚିବ ଏନ୍ଟୋନିଓ ଗୁଟେରେସ ଏକ ବାର୍ତା ଜାରି କରିଛନ୍ତି ଯେଉଁଥିରେ ସେ ଲୋକଙ୍କ ସ୍ୱାଧୀନତା ପାଇଁ ସାମ୍ବାଦିକତାର ସ୍ୱାଧୀନତାକୁ ଅତ୍ୟାବଶ୍ୟକ ବୋଲି ବର୍ଣ୍ଣନା କରିଛନ୍ତି। ଗୁଟେରସ୍ କହିଛନ୍ତି ଯେ ସ୍ୱାଧୀନ ଏବଂ ନିରପେକ୍ଷ ସାମ୍ବାଦିକତା ସମସ୍ତଙ୍କ ହିତରେ ଏବଂ ଏହା ଉତରଦାୟିତ୍ୱ, ନ୍ୟାୟ, ସମାନତା ଏବଂ ମାନବାଧିକାରର ମେରୁଦଣ୍ଡ।
ଆଜି ସାମ୍ବାଦିକମାନେ ଆକ୍ରମଣ, ଅଟକ, ସେନ୍ସରସିପ୍ ଏବଂ ହିଂସାର ସମ୍ମୁଖୀନ ହେଉଥିବା ନେଇ ଗୁଟେରେସ୍ ଚିନ୍ତା ପ୍ରକାଶ କରିଛନ୍ତି। ସେ ଯୁଦ୍ଧ କ୍ଷେତ୍ରରେ, ବିଶେଷକରି ଗାଜାରେ ବଢ଼ୁଥିବା ସାମ୍ବାଦିକଙ୍କ ମୃତ୍ୟୁ ସମ୍ପର୍କରେ ଉଲ୍ଲେଖ କରିଥିଲେ ଏବଂ କହିଥିଲେ ଯେ ଯେତେବେଳେ ସାମ୍ବାଦିକମାନେ ସୁରକ୍ଷିତ ଭାବରେ ସେମାନଙ୍କର କାମ କରିପାରିବେ ନାହିଁ, ଏହା ସମସ୍ତଙ୍କ ପାଇଁ କ୍ଷତି।
ଏହି ବର୍ଷର ବିଷୟବସ୍ତୁ ଉପରେ ଆଲୋକପାତ କରି ସେ କହିଥିଲେ ଯେ କୃତ୍ରିମ ବୁଦ୍ଧିମତା (ଏଆଇ) ଅଭିବ୍ୟକ୍ତିର ସ୍ୱାଧୀନତାକୁ ସମର୍ଥନ କିମ୍ବା ଦମନ କରିପାରେ। ସେ ପକ୍ଷପାତପୂର୍ଣ୍ଣ ଆଲଗୋରିଦମ ଏବଂ ମିଥ୍ୟା ସୂଚନାକୁ ସୂଚନା ପରିବେଶ ପାଇଁ ବିପଦ ବୋଲି କହିଥିଲେ। ଏହି ବିପଦଗୁଡ଼ିକର ମୁକାବିଲା ପାଇଁ ସଠିକ୍, ଯାଂଚଯୋଗ୍ୟ ଏବଂ ତଥ୍ୟ-ଭିତିକ ସୂଚନାକୁ ସବୁଠାରୁ ପ୍ରଭାବଶାଳୀ ଉପାୟ ଭାବରେ ଗୁଟେରେସ୍ ବର୍ଣ୍ଣନା କରିଛନ୍ତି।
