ପାକିସ୍ତାନକୁ ଚେତାବନୀ- ସାମରିକ ଆକ୍ରମଣ କଲେ ମିଳିବ କଠୋର ଜବାବ

ଇରାନୀ ବୈଦେଶିକ ମନ୍ତ୍ରୀଙ୍କ ସହ ବୈଠକରେ ପାକ୍କୁ ସୀମା ଦେଖାଇଲେ ବୈଦେଶିକ ମନ୍ତ୍ରୀ ଡ.ଜୟଶଙ୍କର

ନୂଆଦିଲ୍ଲୀ, 8 ମେ ଭାରତ ଓ ଇରାନ ମଧ୍ୟରେ 20ତମ ସଂଯୁକ୍ତ ଆୟୋଗ ବୈଠକ ସମୟରେ ବିଦେଶ ମନ୍ତ୍ରୀ ଏସ୍. ଜୟଶଂକର ସ୍ପଷ୍ଟ ଶବ୍ଦରେ କହିଛନ୍ତି ଯେ ଭାରତର ଉଦ୍ଦେଶ୍ୟ ଉତ୍ତେଜନା ବଢ଼ାଇବା ନୁହେଁ, କିନ୍ତୁ ପାକିସ୍ତାନ ପକ୍ଷରୁ ଯଦି ସେନା ଆକ୍ରମଣ ହୁଏ, ତେବେ ତାହାର ଦୃଢ଼ ପ୍ରତିଉତ୍ତର ଦିଆଯିବ। ଇରାନର ବିଦେଶ ମନ୍ତ୍ରୀ ସୟଦ୍ ଅବାସ ଅରାକଚି ଭାରତ ଗସ୍ତରେ ଅଛନ୍ତି। ସେ ଏହି ସଂଯୁକ୍ତ ବୈଠକର ସହ-ଅଧ୍ୟକ୍ଷତା କରି ତାଙ୍କ ପ୍ରାରମ୍ଭିକ ବକ୍ତବ୍ୟରେ ଜୟଶଙ୍କର ଏହି କଥା କହିଛନ୍ତି। ସେ କହିଛନ୍ତି ଯେ ଏହି ବୈଠକ ଏମିତି ଏକ ସମୟରେ ହେଉଛି, ଯେତେବେଳେ ଭାରତ ନିକଟରେ ଜମ୍ମୁ-କଶ୍ମୀରରେ ଘଟିଥିବା ବିଭତ୍ସ ଆତଙ୍କବାଦୀ ଆକ୍ରମଣ ର ପ୍ରତିଉତ୍ତର ଦେଇସାରିଛି।

ଜୟଶଙ୍କର କହିଛନ୍ତି ଯେ 22 ଏପ୍ରିଲରେ ଜମ୍ମୁ-କଶ୍ମୀରରେ ଘଟିଥିବା ଆତଙ୍କବାଦୀ ଆକ୍ରମଣ ଭାରତକୁ 7 ମଇ ତାରିଖରେ ସୀମା ପାର ଆତଙ୍କବାଦୀ ଭିତ୍ତିଭୂମି ଉପରେ ପ୍ରତ୍ୟୁତର ଆକ୍ରମଣ କରିବାକୁ ବାଧ୍ୟ କରିଥିଲା। ସେ ସ୍ପଷ୍ଟ କରିଛନ୍ତି ଯେ ଏହି ପ୍ରତିକ୍ରିୟା ଆତଙ୍କବାଦୀ ଠିକଣାମାନେ ଉପରେ ସଠିକ୍ ଓ ସନ୍ତୁଳିତ ଢଙ୍ଗରେ କରାଯାଇଥିଲା।

ଇରାନୀ ପ୍ରତିନିଧି ଦଳକୁ ସମ୍ବୋଧନ କରି ସେ କହିଛନ୍ତି ଯେ ଜଣେ ପଡ଼ୋଶୀ ଓ ଘନିଷ୍ଠ ଅଂଶୀଦାର ଭାବରେ ଆପଣ ଏହି ପରିସ୍ଥିତିକୁ ବୁଝିବା ଅତିଆବଶ୍ୟକ। ଭାରତ ଓ ଇରାନ ମଧ୍ୟରେ ଦ୍ୱିପକ୍ଷୀୟ ସମ୍ପର୍କ ବିଷୟରେ ଆଲୋଚନା କରି ସେ କହିଛନ୍ତି ଯେ ଉଭୟ ଦେଶ ମଧ୍ୟରେ ଏକାଧିକ କ୍ଷେତ୍ରରେ ସହଯୋଗ ଆଗକୁ ବଢ଼ିଛି, ହେଲେ ମଧ୍ୟ କିଛି ବିଷୟ ଅଛି ଯାହା ଉପରେ ଆଲୋଚନା ଆବଶ୍ୟକ। ପ୍ରଧାନମନ୍ତ୍ରୀ ମୋଦି ଓ ଇରାନୀ ରାଷ୍ଟ୍ରପତି ପେଜେଶକିଆନଙ୍କ ଅକ୍ଟୋବର୍ 2024 ରେ କଜାନରେ ହୋଇଥିବା ସାକ୍ଷାତକାର ଓ 26 ଏପ୍ରିଲର ଟେଲିଫୋନି ଆଲୋଚନା ଏହି ବୁଝାମଣାକୁ ଏକ ନୂଆ ଦିଗ ଦେଇଛି।

ସେ କହିଛନ୍ତି ଯେ ଏହି ବର୍ଷ ଭାରତ-ଇରାନ ରାଜନୈତିକ ସମ୍ପର୍କର 75ତମ ବାର୍ଷିକୀର ପ୍ରତୀକ ଅଟେ। ଜୟଶଙ୍କର ଆଶା ବ୍ୟକ୍ତ କରିଛନ୍ତି ଯେ ଉଭୟ ଦେଶ ଏହି ଅବସରକୁ ଯଥୋଚିତ ସମ୍ମାନ ସହିତ ପାଳନ କରିବେ।