- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ଆସୁଛି ମକର ସଜେଇ ହେଉଛି ଗାଁ
ଘଟଗାଁ :ପାଖେଇ ଆସୁଛି ମକର ସଂକ୍ରାନ୍ତି, ସଜେଇ ହେଉଛି ଗାଁ । ଆଦିବାସୀବହୁଳ କେନ୍ଦୁଝର ଜିଲ୍ଲାର ମକର ହେଉଛି ଗଣପର୍ବ । ଆଦିବାସୀମାନେ ଏହାକୁ ୭ଦିନ ଧରି ପାଳନ କରିଥାନ୍ତି । ଆଦିବାସୀମାନେ ଘର ଦ୍ୱାର ଲିପାପୋଛା କରିବା ସହ ବିଭିନ୍ନ ରଙ୍ଗରେ ଘରକୁ ସଜାଇଥାନ୍ତି । ମକର ପିଠା ଖାଇବା ସହ, ନାଚଗୀତ, ଖେଳକୁଦ କରି ସଭିଏଁ ମକର ପର୍ବର ଆନନ୍ଦ ଉଠାଇଥାନ୍ତି । ଘସିପୁରା ବ୍ଲକ ଅନ୍ତର୍ଗତ ଯୁଗଳକିଶୋରପୁର ଗାଁ ମକର ପାଇଁ ଏବେ ଚଳଚଞ୍ଚଳ ହୋଇଉଠିଛି। କିଏ ଘରଦ୍ବାର ଲିପା ପୋଛା କରୁଛି ତ ଅନ୍ୟ କିଏ ବିଭିନ୍ନ ରଙ୍ଗ ଦେଇ ଘରକୁ ଆକର୍ଷଣୀୟ ଢଙ୍ଗରେ ସଜାଇବାରେ ବ୍ୟସ୍ତ ରହିଛି। ବର୍ଷକରେ ଥରେ ମକର ପର୍ବ ପାଳନ ପାଇଁ ଲୋକଙ୍କର ଏହି ସାଜସଜ୍ଜା । ମକର ସଂକ୍ରାନ୍ତି ଏଠାରେ ୭ଦିନ ଧରି ବେଶ୍ ଧୁମଧାମ୍ ରେ ପାଳିତ ହୋଇଥାଏ । ଘରେ ରଙ୍ଗଦେବା ପାଇଁ ଜଙ୍ଗଲରୁ ଲୋକେ ଲାଲ୍, ଧଳା, ହଳଦିଆ ମାଟି ସଂଗ୍ରହ କରିଥାନ୍ତି । ସେହି ମାଟିକୁ ପାଣିରେ ଭିଜାଇ ଘରକୁ ବିଭିନ୍ନ ପାରମ୍ପରିକ ଢଙ୍ଗରେ ସଜାଇଥାନ୍ତି । ଏଥିପାଇଁ ଆଦିବାସୀମାନେ କୌଣସି ରାସାୟନିକ ପଦାର୍ଥ ବ୍ୟବହାର କରନ୍ତି ନାହିଁ । ଏହି ପର୍ବ ପାଳନ ପାଇଁ ଘରେ ଘରେ ବିବାହିତ ଝିଅ ସହ କୁଣିଆ ଆସିବା ଆରମ୍ଭ ହୋଇଗଲାଣି । ଏଥିସହ ତିଆରି ହୁଏ ମକର ପିଠା ଆରଶ। କାକରା ଗାଁ ଗାଁରେ ନାଚଗୀତ ଓ ଅନ୍ୟାନ୍ୟ ଖେଳକୁଦ ଅନୁଷ୍ଠିତ ହୋଇଥାଏ । ୭ଦିନ ଧରି ଲୋକମାନେ ମକର ପର୍ବର ଭରପୁର ଆନନ୍ଦ ଉଠାଇଥାନ୍ତି ।
