‘ଭୋଟର ଅଧିକାର ଯାତ୍ରା’ ବିପ୍ଲବ ସମଗ୍ର ଦେଶକୁ ବ୍ୟାପିବ: ରାହୁଲ ଗାନ୍ଧୀ

(FM News):--କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ଦୃଢ଼ୋକ୍ତି ପ୍ରକାଶ କରିଛନ୍ତି ଯେ ତାଙ୍କର ଭୋଟର ଅଧିକାର ଯାତ୍ରା ବିହାରରୁ ଆରମ୍ଭ ହୋଇଥିବା ଏକ ବିପ୍ଲବ ଯାହାର ଲକ୍ଷ୍ୟ ନିର୍ବାଚନରେ ଗୋଟିଏ ମଧ୍ୟ ଭୋଟ ଚୋରି ନହେବା ନିଶ୍ଚିତ କରିବା, ଏବଂ ଏହା ସମଗ୍ର ଦେଶକୁ କିପରି ବ୍ୟାପିବ।

ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଭୋଜପୁର ଜିଲ୍ଲା ଆରାହରେ ଏକ ରାଲିକୁ ସମ୍ବୋଧିତ କରିବା ଅବସରରେ କହିଛନ୍ତି ଯେ ବିହାର ଏକ ଏପରି ଭୂମି ଯେଉଁଠାରେ ବିପ୍ଲବ ଘଟିଛି। ଭୋଟର ଅଧିକାର ଯାତ୍ରାକୁ ମିଳିଥିବା ସମର୍ଥନ ପ୍ରମାଣ କରିଛି ଯେ ବିହାରରୁ ଆଉ ଏକ ବିପ୍ଲବ ଆରମ୍ଭ ହୋଇଛି। ଆଗାମୀ ଦିନରେ ଏହା ସମଗ୍ର ଦେଶକୁ ଗ୍ରାସ କରିବ ବୋଲି ରାହୁଲ ଗାନ୍ଧୀ ଦୃଢ଼ୋକ୍ତି ପ୍ରକାଶ କରିଛନ୍ତି।

ରାହୁଳ ଗାନ୍ଧୀଙ୍କର ଏହି ଯାତ୍ରା ୨୫ଟି ଜିଲ୍ଲା ଜାତୀୟ ରାଜପଥରେ ୧,୦୦୦ କିଲୋମିଟରରୁ ଅଧିକ ଦୂରତ୍ୱ ଅତିକ୍ରମ କରିଛି।କେନ୍ଦ୍ର ସରକାରଙ୍କୁ ଟାର୍ଗେଟ କରି ପୂର୍ବତନ କଂଗ୍ରେସ ସଭାପତି ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି-ଆରଏସଏସ ଅତ୍ୟନ୍ତ ଧନୀ ଲୋକଙ୍କ ସ୍ୱାର୍ଥ ପାଇଁ କାମ କରୁଛନ୍ତି । ଏମାନେ ଯୁବକମାନଙ୍କର କଣ୍ଠସ୍ୱରକୁ ଦବାଇବାକୁ ଚାହୁଁଛନ୍ତି, ଯେଉଁମାନେ ସାର୍ବଜନିକ କ୍ଷେତ୍ରର ଉଦ୍ୟୋଗଗୁଡ଼ିକର ଘରୋଇକରଣ ଯୋଗୁଁ ସୁଯୋଗରୁ ବଞ୍ଚିତ ହୋଇଛନ୍ତି।କିନ୍ତୁ, ଆମେ ସ୍ପଷ୍ଟ କହିବାକୁ ଚାହୁଁ ଯେ ଗରିବ ଯୁବକମାନଙ୍କର କଣ୍ଠସ୍ୱର ସମଗ୍ର ଦେଶରେ ପ୍ରତିଧ୍ୱନିତ ହେବ, ଏବଂ ବିହାରରେ ଆମେ ଗୋଟିଏ ମଧ୍ୟ ଭୋଟ ଚୋରି ହେବାକୁ ଦେବୁ ନାହିଁ ବୋଲି ଗାନ୍ଧୀ କହିଛନ୍ତି।

ତାଙ୍କ ସହ ମଞ୍ଚରେ ସମାଜବାଦୀ ପାର୍ଟି ସଭାପତି ଅଖିଲେଶ ଯାଦବ, ବିହାରର ପୂର୍ବତନ ଊପମୁଖ୍ୟ ମନ୍ତ୍ରୀ ତେଜଶ୍ୱୀ ଯାଦବ (ଆରଜେଡି) ଏବଂ ଦୀପଙ୍କର ଭଟ୍ଟାଚାର୍ଯ୍ୟ (ସିପିଆଇଏମଏଲ) ଉପସ୍ଥିତ ଥିଲେ।

ମନେ ରଖନ୍ତୁ, ଯଦି ଆପଣଙ୍କର ଭୋଟ ଚୋରି ହୁଏ, ତେବେ ଆପଣଙ୍କର ଭବିଷ୍ୟତ ମଧ୍ୟ ଚୋରି ହେବ। ଆପଣଙ୍କର ଭୋଟ ଦେବାର ଅଧିକାର ସମ୍ବିଧାନ ଦ୍ୱାରା ପ୍ରଦାନ କରାଯାଇଛି, ଯାହା ମହାତ୍ମା ଗାନ୍ଧୀ ଏବଂ ବାବାସାହେବ ଆମ୍ବେଦକରଙ୍କ ଆଦର୍ଶର ପ୍ରତୀକ। ଆମେ ଏହାକୁ ରକ୍ଷା କରିବା ଆବଶ୍ୟକ ସେ କହିଛନ୍ତି।

ବାବୁ କୁଂୱର ସିଂ ଷ୍ଟାଡିୟମରେ ଯେଉଁଠାରେ ରାଲି ଅନୁଷ୍ଠିତ ହୋଇଥିଲା ଗାନ୍ଧୀ ଏହି ଜନସମାଗମର ଏକ ଭିଡିଓ ଉଠାଇଥିଲେ, ଯାହା କଂଗ୍ରେସ ଏବଂ ଅଖିଲେଶ ଯାଦବ ସେମାନଙ୍କର ନିଜ ନିଜ ଏକ୍ସ ହ୍ୟାଣ୍ଡେଲରେ ସେୟାର କରିଥିଲେ।

ଗାନ୍ଧୀ ଅଖିଲେଶ ଯାଦବଙ୍କୁ ମଧ୍ୟ ଏକ ବିଶେଷ ଧନ୍ୟବାଦ ଜଣାଇଥିଲେ । ସେ କହିଥିଲେ ଯେ ଗତ ବର୍ଷର ଲୋକସଭା ନିର୍ବାଚନରେ ବିଜେପିକୁ ତାଙ୍କର ସବୁଠାରୁ ବଡ଼ ଗଡ଼ରେ ପରାସ୍ତ କରିଥିବା ସେମାନଙ୍କର ମେଣ୍ଟ ୨୦୨୭ ବିଧାନସଭା ନିର୍ବାଚନ ପର୍ଯ୍ୟନ୍ତ ଜାରି ରହିବ। ସମାଜବାଦୀ ପାର୍ଟି ମୁଖ୍ୟଙ୍କ ସହ ନିଜର ଫଟୋ ସେୟାର କରି ଗାନ୍ଧୀ ଲେଖିଛନ୍ତି, ଯେତେବେଳେ ଦୁଇ ଭାଇ ଏକାଠି ହୁଅନ୍ତି, ଭୋଟ ଚୋରି କରିବାକୁ ଚାହୁଁଥିବା ଲୋକଙ୍କ ପାଇଁ ଏହା ବିନାଶକାରୀ। ଅଖିଲେଶ ଯାଦବ ଜୀ, ମୋତେ, ତେଜଶ୍ୱୀ ଏବଂ ଅନ୍ୟ ଇଣ୍ଡିଆ ବ୍ଲକ ନେତାମାନଙ୍କୁ ଭୋଟର ଅଧିକାର ଯାତ୍ରାରେ ସମର୍ଥନ ଦେଇଥିବାରୁ ସେମାନଙ୍କୁ ରାହୁଳ ଧନ୍ୟବାଦ ଦେଇଥିଲେ ।