- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
କୋଲକାତାରେ ହୋଟେଲରେ ଲାଗିଲା ନିଆଁ, 13 ମୃତ
କୋଲକାତା, 30 ଏପ୍ରିଲ୍- ମହାନଗରର ମେଛୁଆ ବଜାର ସ୍ଥିତ ହୋଟେଲ ଋତୁରାଜରେ ମଙ୍ଗଳବାର ରାତିରେ ନିଆଁ ଲାଗିବା କାରଣରୁ 13ଜଣ ଲୋକଙ୍କ ମୃତ୍ୟୁ ହୋଇଛି । ଏହି ସମୟରେ 7ଜଣ ଲୋକଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ସୂଚନା ମିଳିବା ମାତ୍ରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଫୋନ ଜରିଆରେ ଅଘଟଣ ସଂପର୍କରେ ପଚାରି ବୁଝିଥିଲେ ।ସେ କୋଲକାତା ପୋଲିସ କମିଶନର ଓ ମେୟରଙ୍କୁ ପୀଡିତଙ୍କ ସହାୟତା କରିବା ପାଇଁ ନିର୍ଦ୍ଦେଶ ଦେଇଛନ୍ତି । ନିଆଁରେ ପୋଡି ହୋଇଥିବା ଲୋକଙ୍କୁ କୋଲକାତା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରିବାକୁ ସେ ପରାମର୍ଶ ଦେଇଛନ୍ତି । ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ମଙ୍ଗଳବାର ରାତି ପ୍ରାୟ ସାଢେ 8ଟା ବେଳେ ହୋଟେଲ ଋତୁରାଜରେ ନିଆଁ ଉଠୁଥିବାର ଦେଖାଯାଇଥିଲା । ଏହାପରେ ଦମକଳ ବିଭାଗକୁ ସୂଚିତ କରାଯାଇଛି । ଦମକଳ ବିଭାଗର ପ୍ରାୟ 10ଟି ଗାଡି ପହଂଚିଥିଲା । ଏହା ବହୁତ ପୁରୁଣା ହୋଟେଲ ଅଟେ । ହୋଟେଲର ପ୍ରଥମ ମହଲାରେ ଏକ ଗୋଦାମ ଓ ଦ୍ୱିତୀୟ ମହାଲାରେ ଏକ ରେସ୍ତୁରାଁ ଅଛି । ତୃତୀୟରୁ ଷଷ୍ଠ ମହଲାରେ ଘର ଓ କର୍ମଚାରୀଙ୍କ କ୍ୱାର୍ଟର ରହିଛି । ହୋଟେଲରେ ରହୁଥିବା କିଛି ଲୋକ ଛାତକୁ ପଳାଇଥିଲେ କିନ୍ତୁ କିଛି ଲୋକ ଫସିରହିଛନ୍ତି । ପ୍ରାୟ ସାଢେ 11ଟା ବେଳେ ନିଆଁ ଲିଭାଯାଇଥିଲା ।
