ସୀମାରେ ବାଡ଼ ଦେବାକୁ ନେଇ ବିଏସଏଫ ଏବଂ ବିଜିଜି ମଧ୍ୟରେ ବିବାଦ

କୋଲକାତା - ମାଲଦା ପରେ, ଏବେ କୁଚବିହାରର ମେଖଲିଗଞ୍ଜରେ ଭାରତ-ବାଂଲାଦେଶ ସୀମାରେ ବାଡ଼ ଦେବାକୁ ନେଇ ବିବାଦ ଦେଖାଦେଇଛି। ଶୁକ୍ରବାର ଅପରାହ୍ନରେ ବାଗଡୋକରା ଫୁଲକଡାରୀ ଗ୍ରାମପଂଚାୟତର ଦହଗ୍ରାମ ଅଂଚଳରେ ସୀମାର ଅସୁରକ୍ଷିତ ଅଂଶରେ କଂଟା ତାରବାଡ ଲଗାଇବା ପାଇଁ କାମ ଚାଲିଥିଲା। କୁହାଯାଉଛି ଯେ ଗାଁ ଲୋକେ ବିଏସଏଫର ତତ୍ୱାବଧାନରେ ଏହି କାମ କରୁଥିଲେ। ବାଂଲାଦେଶ ସୀମା ସୁରକ୍ଷା ବଳ (ବିଜିବି) ଏହାକୁ ବିରୋଧ କରିବା ସମୟରେ ପ୍ରାୟ ୧.୫ କିଲୋମିଟର କାମ ସମ୍ପୂର୍ଣ୍ଣ ହୋଇଥିଲା।

ଗାଁ ଲୋକଙ୍କ କହିବା ଅନୁଯାୟୀ, ବିଜିବି କହିଛି ଯେ ଏହି ଅଂଚଳରେ ବାଡ଼ ସ୍ଥାପନ କରିବା ସମ୍ଭବ ନୁହେଁ, ଯାହା ଫଳରେ ବିବାଦ ସୃଷ୍ଟି ହୋଇଥିଲା। ପରିସ୍ଥିତି ଗମ୍ଭୀର ହେବା ପରେ ବିଏସଏଫ ଘଟଣାସ୍ଥଳରେ ପହଂଚି ପରିସ୍ଥିତିକୁ ନିୟନ୍ତ୍ରଣ କରିଥିଲା। ଦୁଇ ଦେଶର ସୀମା ସୁରକ୍ଷା ବାହିନୀ ମଧ୍ୟରେ ଆଲୋଚନା ହେବାର ସମ୍ଭାବନା ପ୍ରକାଶ ପାଇଛି।

ପୂର୍ବରୁ ମାଲଦା ଜିଲ୍ଲାର ବୈଷ୍ଣବନଗର ଏବଂ ସୁଖଦେବପୁର ଅଂଚଳରେ ମଧ୍ୟ ସମାନ ଘଟଣା ରିପୋର୍ଟ ହୋଇଥିଲା। ଗୁରୁବାର ଦିନ ବନଗାଓଁର ପେଟ୍ରାପୋଲ-ବେନାପୋଲ ସୀମାରେ ଏକ ପତାକା ବୈଠକ ସମୟରେ, ବିଏସଏଫ ସ୍ପଷ୍ଟ କରିଥିଲା ଯେ ବାଂଲାଦେଶର ବର୍ତମାନର ପରିସ୍ଥିତିକୁ ଦୃଷ୍ଟିରେ ରଖି ସୀମାକୁ ସୁରକ୍ଷିତ ରଖିବା ପାଇଁ ବାଡ଼ ଦେବା ଆବଶ୍ୟକ। ଏହା ସତ୍ୱେ ଶୁକ୍ରବାର ମେଖଲିଗଞ୍ଜରେ ପୁଣି ଥରେ ବିବାଦ ଦେଖାଦେଇଛି।