Breaking News

ଗୁଜରାଟରୁ ମିଳିଲା ଏଚଏମପିଭି ଭାଇରସର ପ୍ରଥମ ମାମଲା, ଦୁଇ ମାସର ଶିଶୁ ଠାରେ ଲକ୍ଷଣ

FMNEWS.IN 06-01-2025

First case of HMPV virus found from Gujarat, symptoms in two-month-old baby

ଅହମଦାବାଦ, 6 ଜାନୁୟାରୀ :- ଦେଶରେ ଏଚଏମପିଭିରେ ସଂକ୍ରମିତ ରୋଗ ସାମ୍ନାକୁ ଆସିବାରେ ଲାଗିଛି । କର୍ଣ୍ଣାଟକ ପରେ ଏବେ ଗୁଜରାଟରେ ଏକ ଦୁଇମାସର ଶିଶୁ ଏଚଏମପିଭି ପଜିଟିଭ ଚିହ୍ନଟ ହୋଇଛି । ଅହମଦାବାଦର ଚାନ୍ଦଖେଡାର ଘରୋଇ ହସ୍ପିଟାଲରେ ପିଲାଟିକୁ ଭର୍ତ୍ତି କରାଯାଇଛି । ତେବେ ଶିଶୁଟିର ଅବସ୍ଥା ସ୍ଥିର ରହିଛି । ତେବେ ଭୟ କରିବାର କୌଣସି ଆବଶ୍ୟକତା ନଥିବା ହସ୍ପିଟାଲ ପକ୍ଷରୁ କୁହାଯାଇଛି ।

ସୂଚନା ଅନୁସାରେ ପିଲାର ସ୍ୱାସ୍ଥ୍ୟାବସ୍ଥା ଗତ 15ଦିନରୁ ଥଣ୍ଡା-ଜ୍ୱର କାରଣରୁ ଖରାପ ଥିଲା । ସ୍ୱାସ୍ଥ୍ୟରେ ସୁଧାର ନଆସିବାର ପରିବାର ଲୋକେ ତାକୁ ଅହମଦାବାଦର ଚାନ୍ଦଖେଡା ସ୍ଥିତ ଅରେଂଜ ହସ୍ପିଟାଲରେ ଭର୍ତ୍ତି କରିଥିଲେ ।