- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ସରକାର ଯୁବବର୍ଗଙ୍କ ପାଇଁ ରୋଜଗାର ସୁଯୋଗ ସୃଷ୍ଟି କରିବାକୁ ପ୍ରତିବଦ୍ଧ- ପିଏମ ମୋଦି
ନୂଆଦିଲ୍ଲୀ, 26 ଏପ୍ରିଲ୍ - ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କହିଛନ୍ତି ଯେ, ଭାରତର ଯୁବବର୍ଗ ଆଜି ସେମାନଙ୍କ ପରିଶ୍ରମ ଓ ଉଦ୍ଭାବନରେ ବିଶ୍ୱକୁ ଏହା ଦେଖାଉଛନ୍ତି ଯେ, ଆମେ କେତେ ସାମର୍ଥ୍ୟ ଅଟୁ । ଆମ ସରକାର ପ୍ରତି ପଦକ୍ଷେପରେ ଏହା ସୁନିଶ୍ଚିତ କରୁଛନ୍ତି ଯେ, ଦେଶର ଯୁବବର୍ଗଙ୍କ ପାଇଁ ରୋଜଗାର ଓ ସ୍ୱରୋଜଗାରର ସୁଯୋଗ ନିରନ୍ତର ବଢୁ ।
ପ୍ରଧାନମନ୍ତ୍ରୀ ମୋଦି ଆଜି ଭିଡିଓ କନଫରେନ୍ସିଂ ମାଧ୍ୟମରେ ବିଭିନ୍ନ ସରକାରୀ ବିଭାଗର ଓ ସଙ୍ଗଠନରେ ନୂଆ ନିଯୁକ୍ତି ପାଇଥିବା 51 ହଜାରରୁ ଅଧିକ ଯୁବବର୍ଗଙ୍କୁ ନିଯୁକ୍ତି ପତ୍ର ବିତରଣ କରିଛନ୍ତି । ଏହି ଅବସରରେ ସେ ବିଭିନ୍ନ ସ୍ଥାନ ସହିତ ଜଡିତ ଜନସମୂହକୁ ସଂବୋଧିତ କରିଥିଲେ ।
ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ବଜେଟରେ ସରକାର ମ୍ୟାନୁଫ୍ୟାକଚରିଂ ମିଶନର ଘୋଷଣା କରିଛନ୍ତି । ଏହାର ଉଦ୍ଦେଶ୍ୟ ହେଉଛି-ମେକ୍ ଇନ୍ ଇଣ୍ଡିଆକୁ ପ୍ରୋତ୍ସାହିତ କରିବା ଓ ଭାରତର ଯୁବକଙ୍କୁ ଗ୍ଲୋବାଲ ଷ୍ଟାଣ୍ଡାର୍ଡ ବିଶିଷ୍ଟ ପ୍ରୋଜେକ୍ଟ ନିର୍ମାଣ ପାଇଁ ସୁଯୋଗ ଦେବା । ଏହାଦ୍ୱାରା ନା କେବଳ ଦେଶର ଲକ୍ଷଲକ୍ଷ କ୍ଷୁଦ୍ର ଶିଳ୍ପ ଓ ଲଘୁ ଉଦ୍ୟମୀକୁ ପ୍ରୋତ୍ସାହନ ମିଳିବ ବରଂ ପୂରା ଦେଶରେ ରୋଜଗାରର ସୁଯୋଗ ବି ଖୋଲିବ ।
