- ସାତଦିନରେ ଦୃର୍ବୁତ୍ତ ଧାରା ନ ପଡ଼ିଲେ ଡିଜିପି ଅଫିସ ଘେରାଉ : ଭକ୍ତ ଚରଣ ଦାସ
- ବିବାଦୀୟ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ଇସ୍ତଫା ଦାବୀ କଲା କଂଗ୍ରେସ
- ମୁଖ୍ୟମନ୍ତ୍ରୀଙ୍କ ସଭାରେ ସାମ୍ବାଦିକଙ୍କୁ ମାଡ଼ରୁ ରାଜ୍ୟରେ ଆଇନଶୃଙ୍ଖଳା ସ୍ଥିତି ଅନୁମେୟ: ଭକ୍ତ ଦାସ୍
- ଟ୍ରମ୍ପଙ୍କ ୨୫ ପ୍ରତିଶତ ଟାରିଫ୍ ଭାରତର ଜିଡିପି ଉପରେ ନକାରାତ୍ମକ ପ୍ରଭାବ ପକାଇବ: ବିଶେଷଜ୍ଞ
- ଟ୍ରମ୍ପଙ୍କ ଭାରତ ଉପରେ ୨୫% ଟାରିଫ ଲାଗୁକୁ ନେଇ କଂଗ୍ରେସର ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ
ପାକିସ୍ତାନ ବିରୁଦ୍ଧରେ ଅପରେସନ ସିନ୍ଦୁରକୁ ନିଜ ସର୍ତରେ ରୋକିଛି ଭାରତ- ରାଜନାଥ

ନୂଆଦିଲ୍ଲୀ, ୩୦ ମଇ - ଦୁଇ ଦିନିଆ ଗୋଆ ଯାତ୍ରାରେ ଯାଇଥିବା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶୁକ୍ରବାର ଆଇଏନଏସ ବିକ୍ରାନ୍ତରେ ସବାର ଭାରତର ବାହାଦୂର ନୌସୈନିକ ମାନଙ୍କ ସହିତ କଥା ହେବା ସହିତ ସେମାନଙ୍କର ସାହାସ ବଢାଇଛନ୍ତି । ସେ କହିଛନ୍ତି ଯେ, ଯେତେବେଳ ପର୍ଯ୍ୟନ୍ତ ରାଷ୍ଟ୍ରର ସମୁଦ୍ର ସୀମାର ସୁରକ୍ଷା ଆପଣମାନଙ୍କର ମଜବୁତ ହାତରେ ରହିଛି, ସେତେବେଳ ପର୍ଯ୍ୟନ୍ତ ଭାରତକୁ କେହି ତେରଛା ଚାହାଣିରେ ଦେଖିପାରିବ ନାହିଁ । ସେ ପ୍ରଥମ ଥର ପାଇଁ ଖୁଲାସା କରିଥିଲେ ଯେ, ଭାରତ ପାକିସ୍ତାନ ବିରୁଦ୍ଧରେ ଚଳାଇଥିବା ଅପରେସନ ସିନ୍ଦୁର ନିଜ ସର୍ତରେ ରୋକିଛି, କାହାରି ଚାପରେ ନୁହେଁ । ଅପରେସନ ସିନ୍ଦୁର ସମୟରେ ଭାରତୀୟ ସେନା କେବଳ ଆତଙ୍କବାଦୀ ନୁହେଁ ବରଂ ସେମାନଙ୍କୁ ପାଳନ -ପୋଷଣ କରୁଥିବା ପୃଷ୍ଠପୋଷକମାନଙ୍କୁ ମଧ୍ୟ ସ୍ପଷ୍ଟ ସନ୍ଦେଶ ଦେଇଛି ଯେ, ଭାରତ ଏବେ ସହିବ ନାହିଁ, ବରଂ ଏବେ ସିଧା ଜବାବ ଦେଉଛି ।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସଶସ୍ତ୍ର ବଳକୁ ଅପରେସନ ସିନ୍ଦୁରର ସଫଳତା ପାଇଁ ଶୁଭେଚ୍ଛା ଜଣାଇବା ସହ କହିଛନ୍ତି ଯେ, ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ନିମନ୍ତେ ଆମେ ପ୍ରାୟ କିଛି ସମୟରେ ପାକିସ୍ତାନର ଆତଙ୍କବାଦୀ ଆଡ୍ଡା ଓ ତାର ଉଦ୍ଦେଶ୍ୟକୁ ଧ୍ୱସ୍ତ କରି ଦେଇଛୁ । ଆମର ପ୍ରହାର ଏତେ ଜୋରଦାର୍ ଥିଲା ଯେ, ପାକିସ୍ତାନ ସାରା ବିଶ୍ୱକୁ ଭାରତକୁ ରୋକିବା ନେଇ ଗୁହାରି କରିବାରେ ଲାଗିପଡିଥିଲା । ଶେଷରେ ଆମେ ଆମ ସର୍ତରେ ଆମର ସୈନ୍ୟ ଆକ୍ସନକୁ ରୋକିଛୁ । ଏହି ସମଗ୍ର ଇଂଟିଗ୍ରେଟେଡ ଅପରେସନରେ ନୌସେନାର ଭୂମିକା ଗୌରବଶାଳୀ ରହିଛି ।