ଛତିଶଗଡରେ କୁଟରୁ-ବେଦରେ ରାସ୍ତାରେ ଯବାନଙ୍କ ଗାଡି ଉଡାଇଲେ ନକ୍ସଲ,9 ଜଣଙ୍କ ମୃତ୍ୟୁ

FMNEWS.IN 06-01-2025

Naxals blow up jawan's vehicle on road in Chhattisgarh's Kutru-Veda, 9 killed

ବିଜାପୁର, 6 ଜାନୁୟାରୀ:- ଛତିଶଗଡର ନକ୍ସଲ ପ୍ରଭାବିତ ବିଜାପୁର ଜିଲ୍ଲାର କୁଟରୁ ମାର୍ଗର ବେଦରେରେ ଯବାନଙ୍କୁ ନେଇ ଯାଉଥିବା ଗାଡିକୁ ସୋମବାର ନକ୍ସଲମାନେ ଟାର୍ଗେଟ କରିଛନ୍ତି । ଏଥିରେ ଅନେକ ଯବାନ ସହିଦ ହୋଇଛନ୍ତି । ବସ୍ତର ଆଇଜି ସୁନ୍ଦରରାଜ ପି. ଏନେଇ ସୂଚନା ଦେଇଛନ୍ତି ।ନକ୍ସଲମାନେ ଆଜି ସକାଳେ ଆଇଇଡି ବିସ୍ଫୋରଣ କରି ଯବାନଙ୍କ ଗାଡିକୁ ଉଡାଇ ଦେଇଛନ୍ତି । ଏଥିରେ 8ଜଣ ଯବାନଙ୍କ ସମେତ ଗାଡି ଚାଳକ ସହିଦ ହୋଇଥିବା ବେଳେ କିଛି ଆହତ ହୋଇଛନ୍ତି । ରବିବାର ନାରାୟଣପୁରରେ ହୋଇଥିବା ଗୁଳି ବିନିମୟ ପରେ ଯବାନ ଆଜି ଫେରୁଥିବା ବେଳେ ନକ୍ସଲମାନେ ଏହି କାଣ୍ଡ ଘଟାଇଥିଲେ ।