ଯୁଗ୍ମ ସଂସଦୀୟ କମିଟିକୁ ପଠାଗଲା ଗୋଟିଏ ଦେଶ ଗୋଟିଏ ନିର୍ବାଚନ ସହିତ ଜଡିତ ବିଧେୟକ,ଲୋକସଭା ଅନିଶ୍ଚିତ କାଳ ଯାଏ ସ୍ଥଗିତ

ନୂଆଦିଲ୍ଲୀ, 20 ଡିସେମ୍ବର - ସଂସଦର ଶୀତକାଳୀନ ଅଧିବେଶନ ଅବସରରେ ଆଜି ଲୋକସଭାରେ ବିରୋଧୀଙ୍କ ହଙ୍ଗାମା ମଧ୍ୟରେ ଗୋଟିଏ ଦେଶ ଗୋଟିଏ ନିର୍ବାଚନ ସହିତ 129ତମ ସମ୍ବିଧାନ ସଂଶୋଦନ ବିଧେୟକ ଯୁଗ୍ମ ସଂସଦୀୟ କମିଟି ନିକଟକୁ ପଠାଇ ଦିଆଯାଇଛି । ଏହାପରେ ଲୋକସଭାକୁ ଅନିଶ୍ଚିତ କାଳ ଯାଏ ସ୍ଥଗିତ କରାଯାଇଛି ।

ଲୋକସଭାର କାର୍ଯ୍ୟ ସକାଳ 11ଟା ବେଳେ ଆରମ୍ଭ ହେବା ମାତ୍ରେ ବିରୋଧୀମାନେ ବାବା ସାହେବ ଭୀମରାଓ ଆମ୍ବେଦକରଙ୍କ ପ୍ରସଙ୍ଗକୁ ନେଇ ହଟ୍ଟଗୋଳ କରିଥିଲେ । ବିରୋଧୀମାନେ ଗୃହର ମଧ୍ୟ ଭାଗକୁ ଚାଲିଆସିଥିଲେ । ଏହି ଅବସରରେ ଗୃହର ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବି ଉପସ୍ଥିତ ଥିଲେ। ବିରୋଧୀ ସଦସ୍ୟଙ୍କ ନାରାବାଜି ମଧ୍ୟରେ କେନ୍ଦ୍ର ଆଇନମନ୍ତ୍ରୀ ଅର୍ଜୁନ ରାମ ମେଘୱାଲ ସମ୍ବିଧାନ ସଂଶୋଧନ ବିଲ ସଂସଦର ଯୁଗ୍ମ ସଂସଦୀୟ କମିଟି ନିକଟକୁ ପଠାଇବାକୁ ପ୍ରସ୍ତାବ ଦେଇଥିଲେ । ହଙ୍ଗାମା ମଧ୍ୟରେ ପ୍ରସ୍ତାବକୁ ଧ୍ୱନିମତରେ ପାରିତ କରି ଗୃହର ଅନୁମତି ପ୍ରଦାନ କରାଯାଇଥିଲା । ଜେପିସିରେ 27ଜଣ ସଦସ୍ୟ ଅଛନ୍ତି । ଏଥିରେ 12ଜଣ ରାଜ୍ୟସଭାରୁ ଅଛନ୍ତି ।

ଲୋକସଭା ଅଧ୍ୟକ୍ଷ ଏହି ଅବସରରେ ସଦସ୍ୟଙ୍କୁ ସଂସଦୀୟ ପରମ୍ପରା ଓ ଗାରିମାର ସମ୍ମାନ କରିବା ପାଇଁ ଅନୁରୋଧ କରିଥିଲେ । ସେ ଚେତାଇଥିଲେ ଯେ, ସଂସଦ ପରିସର ଧାରଣା କିମ୍ବା ବିକ୍ଷୋଭ ପାଇଁ ନୁହେଁ । ଏଭଳି କଲେ କାର୍ଯ୍ୟାନୁଷ୍ଠାନ ନିଆଯାଇପାରେ । ଏହାପରେ ବନ୍ଦେ ମାତରମ ସହିତ ଗୃହ କାର୍ଯ୍ୟକୁ ଅନିଶ୍ଚିତ କାମ ଯାଏ ସ୍ଥଗିତ କରାଯାଇଥିଲା ।ଆଗାମୀ ୨ ଦିନ ରାଜ୍ୟର ଅଧିକାଂଶ ସ୍ଥାନରେ ହାଲୁକା ବର୍ଷା ସାଙ୍ଗକୁ ଥଣ୍ଡା ପାଗ ଅନୁଭୂତ ହେବ । ସେହିପରି ୨୧ ତାରିଖ ଠାରୁ ୨୪ ତାରିଖ ପର୍ଯ୍ୟନ୍ତ କୌଣସି ଚେତାବନୀ ନାହିଁ । ଭୁବନେଶ୍ୱର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଜାରି ହୋଇଥିବା ଟ୍ୱିଟ୍ ରୁ ଏହି ସୂଚନା ମିଳିଛି ।