- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ହଙ୍ଗାମା ମଧ୍ୟରେ ରାଜ୍ୟସଭା ଅନିଶ୍ଚିତ କାଳ ଯାଏ ସ୍ଥଗିତ
ନୂଆଦିଲ୍ଲୀ, 20 ଡିସେମ୍ବର - ଆମ୍ବେଦକର ଓ ସାଂସଦଙ୍କ ମଧ୍ୟରେ ହୋଇଥିବା ଠେଲାପେଲା ପ୍ରସଙ୍ଗକୁ ନେଇ ହଙ୍ଗାମା ମଧ୍ୟରେ ଶୁକ୍ରବାର ରାଜ୍ୟସଭା ଅନିଶ୍ଚିତକାଳ ଯାଏ ସ୍ଥଗିତ ରଖାଯାଇଛି । ଶୁକ୍ରବାର ସକାଳେ ଗୃହ କାର୍ଯ୍ୟ ଆରମ୍ଭ ହେବା ମାତ୍ରେ ବିରୋଧୀମାନେ ହଙ୍ଗାମା କରିଥିଲେ । ସଭାପତି ଜଗଦୀପ ଧନଖଡ ପ୍ରଥମେ ଗୃହକୁ ମଧ୍ୟାହ୍ନ 12ଟା ଯାଏ ସ୍ଥଗିତ ରଖିଥିଲେ । ଏହାପରେ ଗୃହ କାର୍ଯ୍ୟ ଆରମ୍ଭ ହେବା ପରେ ଗୋଟିଏ ଦେଶ ଗୋଟିଏ ନିର୍ବାଚନକୁ ପାଇଁ ଗଠିତ ଯୁଗ୍ମ ସଂସଦୀୟ କମିଟି ପାଇଁ ରାଜ୍ୟସଭାର 12 ସାଂସଦଙ୍କୁ ନାମିତ କରାଯାଇଥିଲା ।
ଶୁକ୍ରବାର ସଭାପତି ଜଗଦୀପ ଧନଖଡ ସଭାର ଶୀତକାଳୀନ ଅଧିବେଶନରେ ନିଜ ସମାପନ ଭାଷଣରେ କହିଛନ୍ତି ଯେ, ସମ୍ବିଧାନର 75ତମ ବର୍ଷପୂର୍ତ୍ତି ଅବସରରେ ଏହି ଅଧିବେଶନର ସମାପନ କରିବା ବେଳେ ମୋତେ ଗମ୍ଭୀର ଚିନ୍ତନର ମୁହୂର୍ତ୍ତ ଦେଖିବାକୁ ପଡୁଛି । ଐତିହାସିକ ସମ୍ବିଧାନ ଗୃହରେ ସମ୍ବିଧାନ ଦିବସ ପାଳନର ଉଦ୍ଦେଶ୍ୟ ଗଣତାନ୍ତ୍ରିକ ମୂଲ୍ୟକୁ ସୂଚିତ କରିବାକୁ ଥିଲା, କିନ୍ତୁ ଏହି ଗୃହରେ ହୋଇଥିବା କାର୍ଯ୍ୟ ଏକ ଭିନ୍ନ କାହାଣୀ ବୟାନ କରୁଛି ।
ସେ କହିଛନ୍ତି ଯେ, ଏହି ଅଧିବେଶନର ଉତ୍ପାଦକତା ମାତ୍ର 40.03 ପ୍ରତିଶତ ଅଟେ, ଯେଉଁଥିରେ କେବଳ 43 ଘଂଟା ଓ 27 ମିନିଟରେ ପ୍ରଭାବମୂଳକ କାର୍ଯ୍ୟ ହୋଇଛି ।
