ୱାକଫ ଆଇନର ବିବାଦୀୟ ଧାରାଗୁଡ଼ିକ ଊପରେ ସୁପ୍ରିମ କୋର୍ଟ ଜାରି କଲେ ରହିତା ଦେଶ

(FM News):-- ସୁପ୍ରିମ୍ କୋର୍ଟ ସୋମବାର ଦିନ ୱାକଫ(ସଂଶୋଧନ) ଆଇନ୍, ୨୦୨୫କୁ ସମ୍ପୂର୍ଣ୍ଣଭାବେ ରୋକିବାକୁ ମନା କରିଦେଇଛି, କିନ୍ତୁ କେତେକ ନିର୍ଦ୍ଦିଷ୍ଟ ଧାରା ଊପରେ ରହିତାଦେଶ ଜାରି କରିଛନ୍ତି।

ରହିତାଦେଶ ଜାରି କରାଯାଇଥିବା ମୁଖ୍ୟ ଧାରାଗୁଡ଼ିକ ମଧ୍ୟରେ ରହିଛି ଯେ ଏକ ଓ୍ଵାକଫ୍ ସୃଷ୍ଟି କରିବା ପାଇଁ ଜଣେ ବ୍ୟକ୍ତିଙ୍କୁ ଅନ୍ତତଃ ପାଞ୍ଚ ବର୍ଷ ଧରି ଇସଲାମ ଅନୁଶୀଳନ କରିଥିବା ଆବଶ୍ୟକତା ଅନ୍ତର୍ଭୁକ୍ତ । ବେଞ୍ଚ ପକ୍ଷରୁ ଉଲ୍ଲେଖ କରାଯାଇଛି ଯେ ଏଭଳି ସର୍ତ୍ତକୁ ଯାଞ୍ଚ କରିବା ପାଇଁ କୌଣସି ନିୟମ ନାହିଁ। ତେଣୁ କେନ୍ଦ୍ର ସରକାର ଏ ନେଇ ଉପଯୁକ୍ତ ନିୟମ ପ୍ରଣୟନ ନ କରିବା ପର୍ଯ୍ୟନ୍ତ ଏହି ଧାରାର କାର୍ଯ୍ୟକାରିତାକୁ ସ୍ଥଗିତ ରଖାଯାଇଥିବା କୁହାଯାଇଛି।

ରହିତାଦେଶ ମଧ୍ୟରେ ଆଊ ଏକ ପ୍ରମୁଖ ଧାରା ହେଉଛି ଓ୍ଵାକଫ୍ ଦାବି କରାଯାଇଥିବା ଜମି ପ୍ରକୃତରେ ସରକାରୀ ସମ୍ପତ୍ତି କି ନାହିଁ ତାହା ନିର୍ଣ୍ଣୟ କରିବା ପାଇଁ ନିଯୁକ୍ତ ରାଜସ୍ୱ ଅଧିକାରୀଙ୍କୁ ଦିଆଯାଇଥିବା ଅଧିକାର। ସଂଶୋଧିତ ଆଇନର ଧାରା ୩ସି(୨) ଅନୁଯାୟୀ, ରାଜ୍ୟ ସରକାରମାନେ ଜିଲ୍ଲାପାଳଙ୍କ ଉପରେ ଥିବା ଅଧିକାରୀଙ୍କୁ ତଦନ୍ତ କରିବା, ରାଜସ୍ୱ ରେକର୍ଡ ସଂଶୋଧନ କରିବା, ରାଜ୍ୟ ସରକାରଙ୍କୁ ରିପୋର୍ଟ ଦାଖଲ କରିବା ଏବଂ ରାଜ୍ୟ ସରକାର ଓ୍ଵାକଫ୍ ବୋର୍ଡକୁ ରେକର୍ଡ ସଂଶୋଧନ କରିବାକୁ ନିର୍ଦ୍ଦେଶ ଦେବାକୁ ନିଯୁକ୍ତ କରିପାରିବେ।

କୋର୍ଟ ଏହି ବ୍ୟବସ୍ଥାକୁ କ୍ଷମତା ବିଭାଜନ ନୀତି ସହିତ ପ୍ରାଥମିକ ଭାବେ ଅସଙ୍ଗତ ବୋଲି ଗ୍ରହଣ କରିଛି କହିବା ସହ ଆହୁରି କହିଛି ଯେ ସମ୍ପତ୍ତିର ମାଲିକାନା ସମ୍ବନ୍ଧୀୟ ବିବାଦଗୁଡ଼ିକ ନ୍ୟାୟିକ ଟ୍ରିବ୍ୟୁନାଲ ଦ୍ୱାରା ନିର୍ଣ୍ଣୟ ହେବା ଉଚିତ, କାର୍ଯ୍ୟପାଳିକା ଅଧିକାରୀଙ୍କ ଦ୍ୱାରା ନୁହେଁ।

ବେଞ୍ଚ ପକ୍ଷରୁ ସ୍ପଷ୍ଟ କରାଯାଇଛି ଯେ ଓ୍ଵାକଫ୍ ଦାବି କରାଯାଇଥିବା ସମ୍ପତ୍ତିର ମାଲିକାନା ସମ୍ବନ୍ଧୀୟ ବିବାଦଗୁଡ଼ିକ ଧାରା ୮୩ ଅନୁଯାୟୀ ଟ୍ରିବ୍ୟୁନାଲ ଦ୍ୱାରା ନିଷ୍ପତ୍ତି ହେବ । ଏହି ପ୍ରକ୍ରିୟା ହାଇକୋର୍ଟରେ ଅପିଲ୍ ସମେତ ଚୂଡ଼ାନ୍ତ ନିଷ୍ପତ୍ତି ନହେବା ପର୍ଯ୍ୟନ୍ତ ତଥା ଓ୍ଵାକଫ୍ ସଂସ୍ଥାମାନଙ୍କୁ ଜମିରୁ ବାହାର କରାଯିବ ନାହିଁ କିମ୍ବା କୌଣସି ତୃତୀୟ ପକ୍ଷର ଅଧିକାର ସୃଷ୍ଟି ହେବ ନାହିଁ।

ସେଣ୍ଟ୍ରାଲ୍ ଓ୍ଵାକଫ୍ କାଉନସିଲ୍ ଏବଂ ଓ୍ଵାକଫ୍ ବୋର୍ଡଗୁଡ଼ିକର ଗଠନ ସମ୍ବନ୍ଧରେ କୋର୍ଟ ଅଣ-ମୁସଲିମ ସଦସ୍ୟମାନଙ୍କୁ ଅନୁମତି ଦେଇଛି। କୁହାଯାଇଛି ଯେ ସେଣ୍ଟ୍ରାଲ୍ କାଉନସିଲ୍ରେ ୨୨ ଜଣ ସଦସ୍ୟଙ୍କ ମଧ୍ୟରୁ ୪ ଜଣରୁ ଅଧିକ ଅଣ-ମୁସଲିମ ହେବେ ନାହିଁ ଏବଂ ରାଜ୍ୟ ବୋର୍ଡଗୁଡ଼ିକରେ ୧୧ ଜଣ ସଦସ୍ୟଙ୍କ ମଧ୍ୟରୁ ୩ ଜଣରୁ ଅଧିକ ଅଣ-ମୁସଲିମ ହେବେ ନାହିଁ।

କୋର୍ଟ ଧାରା ୨୩କୁ ଅବୈଧ ଘୋଷଣା କରିନାହିଁ, ଯାହା କି ବୋର୍ଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ନିଯୁକ୍ତି ପାଇଁ ବ୍ୟବସ୍ଥା କରିଛି।ତେବେ କୋର୍ଟ ନିର୍ଦ୍ଦେଶ ଦେଇଛି ଯେ, ଯଥାସମ୍ଭବ ସିଇଓ ମୁସଲିମ ସମୁଦାୟରୁ ଚୟନ କରାଯିବା ଉଚିତ କାରଣ ଏହି ଅଧିକାରୀ ବୋର୍ଡର ଏକ୍ସ ଅଫିସିଓ ସେକ୍ରେଟାରୀ ଭାବେ ମଧ୍ୟ କାର୍ଯ୍ୟ କରନ୍ତି।

ଓ୍ଵାକଫ୍ ପଞ୍ଜୀକରଣ ସମ୍ବନ୍ଧରେ ବେଞ୍ଚ ଉଲ୍ଲେଖ କରିଛି ଯେ ୧୯୨୩ ମୁସଲମାନ ଓ୍ଵାକଫ୍ ଆଇନ୍ ଏବଂ ସେହି ଆଇନଗୁଡ଼ିକରୁ ଓ୍ଵାକଫ୍ ଡିଡ୍ ଦାଖଲ କରିବାର ଆବଶ୍ୟକତା ରହିଆସିଛି। ନୂଆ ଆଇନ୍ ଅନୁଯାୟୀ ପଞ୍ଜୀକରଣ ପାଇଁ ଆବେଦନ ସହିତ ଓ୍ଵାକଫ୍ ଡିଡ୍ର ଏକ କପି ବାଧ୍ୟତାମୂଳକ କରାଯାଇଛି, ବିଶେଷକରି ଓ୍ଵାକଫ୍ ସମ୍ପତ୍ତିର ଦୁରୁପଯୋଗ ଆଲୋକରେ, ଏହାକୁ ଅନିୟମିତ ବୋଲି ବିବେଚନା କରାଯାଇନାହିଁ।

ଓ୍ଵାକଫ୍ (ସଂଶୋଧନ) ଆଇନ୍, ୨୦୨୫କୁ ମହାମ୍ମଦ ଜାୱେଦ (କଂଗ୍ରେସ ସାଂସଦ), ଆସାଦୁଦ୍ଦିନ ଓୱେସୀ (ଏଆଇଏମ୍ଆଇଏମ୍ ସାଂସଦ), ମୌଲାନା ଅରଶାଦ ମଦାନୀ (ଜମିଆତ ଉଲେମା-ଇ-ହିନ୍ଦ), ଅଲ୍ ଇଣ୍ଡିଆ ମୁସଲିମ ପର୍ସନାଲ ଲ ବୋର୍ଡ (ଏଆଇଏମପିଏଲବି), ସମସ୍ଥା କେରଳ ଜମିଆତୁଲ ଉଲାମା, ସୋସିଆଲ ଡେମୋକ୍ରାଟିକ ପାର୍ଟି ଅଫ୍ ଇଣ୍ଡିଆ (ଏସଡିପିଆଇ), ଏବଂ ଏସୋସିଏସନ ଫର ପ୍ରୋଟେକ୍ସନ ଅଫ୍ ସିଭିଲ ରାଇଟ୍ସ (ଏପିସିଆର) ଦ୍ୱାରା ଚ୍୦୪୧୦ଚାଲେଞ୍ଜ କରାଯାଇଛି।

ସେମାନେ ଯୁକ୍ତି ଦେଇଛନ୍ତି ଯେ ଏହି ସଂଶୋଧନଗୁଡ଼ିକ ମୁସଲିମ ଧାର୍ମିକ ବ୍ୟାପାରରେ ଏକ ହସ୍ତକ୍ଷେପ ଅଟେ ଏବଂ ସାମ୍ବିଧାନିକ ସୁରକ୍ଷାର ଉଲ୍ଲଂଘନ କରୁଛି।

ଛଅଟି ବିଜେପି ଶାସିତ ରାଜ୍ୟହରିୟାଣା, ମହାରାଷ୍ଟ୍ର, ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼, ଏବଂ ଆସାମସଂଶୋଧନକୁ ସମର୍ଥନ କରି ହସ୍ତକ୍ଷେପ ଆବେଦନ ଦାଖଲ କରିଛନ୍ତି। ସେମାନେ ଦାବି କରିଛନ୍ତି ଯେ ଏହା ସର୍ବଜନୀନ ଏବଂ ବ୍ୟକ୍ତିଗତ ଜମିରେ ଭୁଲ ଭାବେ ଓ୍ଵାକଫ୍ ଦାବି କରାଯାଇଥିବା ପ୍ରତାରଣାମୂଳକ ଅତିକ୍ରମଣକୁ ରୋକିବା ପାଇଁ ଅତ୍ୟାବଶ୍ୟକ।

ସଂଶୋଧିତ ଆଇନକୁ ରକ୍ଷା କରି କେନ୍ଦ୍ର ପକ୍ଷରୁ କୁହାଯାଇଛି ଯେ ୨୦୧୩ ଓ୍ଵାକଫ୍ ଆଇନ୍ ସଂଶୋଧନ ଦ୍ୱାରା ପଞ୍ଜୀକୃତ ଓ୍ଵାକଫ୍ ଅଞ୍ଚଳରେ ବହୁଗୁଣ ବୃଦ୍ଧି ହୋଇଛି ଏବଂ ୨୦୨୫ ସଂଶୋଧନ କେବଳ ଓ୍ଵାକଫ୍ ଉତ୍ସର୍ଗକୁ ନିୟନ୍ତ୍ରଣ କରୁଛି ଏବଂ ଆନୁଷ୍ଠାନିକ ଏବଂ ସ୍ୱଚ୍ଛ ପଦ୍ଧତି ସ୍ଥାପନ କରୁଛି।