ଛତିଶଗଡର ବିଜାପୁରରେ ଗୁଳି ବିନିମୟରେ ତିନି ନକ୍ସଲ ନିହତ

FMNEWS.IN 12-01-2025

Three Naxals killed in firing in Chhattisgarh's Bijapur

ବିଜାପୁର, 12 ଜାନୁଆରି- ଛତିଶଗଡର ବିଜାପୁର ଜିଲ୍ଲା ମଦ୍ଦଡ ଥାନା ଅନ୍ତର୍ଗତ ବନ୍ଦେପାରା-କୋରଂଜେଡ ନ୍ୟାସନାଲ ପାର୍କ ଏରିଆରେ ରବିବାର ସକାଳେ ସୁରକ୍ଷାବଳ ଓ ନକ୍ସଲଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ତିନିଜଣ ପୋଷାକଧାରୀ ନକ୍ସଲ ନିହତ ହୋଇଛନ୍ତି । ସର୍ଚ୍ଚିଂରେ ଏବେ ସୁଦ୍ଧା ତିନି ଜଣଙ୍କ ମୃତଦେହ ଜବତ ହୋଇଛି । ମୃତ୍ୟୁବରଣ କରିଥିବା ନକ୍ସଲଙ୍କ ଶବ ସହିତ ଘଟଣାସ୍ଥଳରୁ ଅଟୋମେଟିକ ଅସ୍ତ୍ରଶସ୍ତ୍ର ସହିତ ଅନ୍ୟ ଅସ୍ତ୍ରଶସ୍ତ୍ର ଏବଂ ବିସ୍ଫୋଟକ ପଦାର୍ଥ ଓ ନକ୍ସଲ ସାମଗ୍ରୀ ଜବତ ହୋଇଛି । ବସ୍ତର ଆଇଜି ସୁନ୍ଦରରାଜ ପି. ଗୁଳି ବିନିମୟ ନେଇ ସୂଚନା ଦେଇଛନ୍ତି । ମୃତକଙ୍କ ପରିଚୟ ଖୋଜାଚାଲିଛି ।