ପୁନେରେ ଫୁଟପାଥରେ ଶୋଇଥିବା ୯ ଶ୍ରମିକଙ୍କ ଉପରେ ଡମ୍ଫର ମାଡିଗଲା, ୩ ମୃତ

FMNEWS.IN 23-12-2024

truck runs over 9 workers sleeping on footpath in Pune, 3 dead

ମୁମ୍ବାଇ, ୨୩ ଡିସେମ୍ବର - ମହାରାଷ୍ଟ୍ରର ପୁନେ ଜିଲ୍ଲାର ବାଘୋଲି ଚୌକ ଅଂଚଳରେ ଗତ ରାତିରେ ଏକ ଡମ୍ଫର ଫୁଟପାଥରେ ଶୋଇଥିବା ୯ ଶ୍ରମିକଙ୍କ ଉପରେ ମାଡିଯିବା ଫଳରେ ବର୍ତମାନ ସୁଦ୍ଧା ତନ୍ମଧ୍ୟରୁ ୩ ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ୨ ଜଣ ଶିଶୁ ରହିଛନ୍ତି । ୬ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଛି । ଆହତଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ରହିଛି । ଡ଼ମ୍ଫର ଚାଳକ ଗଜାନନ ଟୋଟେକୁ ପୋଲିସ ଗିରଫ କରିଛି । ବରିଷ୍ଠ ପୋଲିସ ଅଧିକାରୀ ହିମ୍ମତ ଜାଧବ ଏ ସମ୍ପର୍କରେ ସୂଚନା ଦେଇଛନ୍ତି ।