Breaking News

ମହିଳା ଶିଶୁଙ୍କ ପ୍ରତି ଅତ୍ୟାଚାରକୁ ନେଇ ବିଧାନସଭା ଷ୍ଟାଣ୍ଡିଂ କମିଟିର ଉଦବେଗ

FMNEWS.IN 15-05-2025

Assembly Standing Committee concerned over violence against female children

ଭୁବନେଶ୍ୱର:- ମହିଳା ଶିଶୁଙ୍କ ଉପରେ ହେଉଥିବା ଅତ୍ୟାଚାରକୁ ନେଇ ବିଧାନସଭା ଷ୍ଟାଣ୍ଡିଂ କମିଟି ଉଦବେଗ ପ୍ରକାଶ କରିଛନ୍ତି । ବୁଧବାର ଅନୁଷ୍ଠିତ ବୈଠକରେ ଗୃହ ବିଭାଗ ସହିତ ଆଲେଚନା ହୋଇଛି । ଗୃହ ବିଭାଗ ବି ମାମଲା ବଢିଥିବା ସ୍ୱୀକାର କରିଛି । ଏ ଦିଗରେ ପଦକ୍ଷେପ ନିଆଯିବ ବୋଲି କମିଟି ଆଗରେ ଗୃହ ବିଭାଗ ପ୍ରତିଶ୍ରୁତି ଦେଇଥିବା ପ୍ରମିଳା ମଲ୍ଲିକ କହିଛନ୍ତି । ବିଜେପି ବିଧାୟିକା ସୀମାରାଣି ନାଏକ କହିଛନ୍ତି ଶିଶୁ ଶ୍ରମିକ ଏବଂ ଭିକାରୀ ସଂଖ୍ୟା ଅଧିକ ରହିଛି। ତାଙ୍କୁ ଉଦ୍ଧାର କରାଯିବ। ଇ - ଏଫଆଇଆର ଉପରେ ସଚେତନତା କରିବା ପାଇଁ ଗୃହ ବିଭାଗକୁ ନିର୍ଦ୍ଦେଶ ଦିଆଯାଇଛି । କମିଟିର ସମସ୍ତ ସଦସ୍ୟ ଆଲୋଚନା କରିଛନ୍ତି । ଆସନ୍ତା ୧୮ ତାରିଖରେ କମିଟି କ୍ଷେତ୍ର ପରିଦର୍ଶନ କରିବ। ଫାଷ୍ଟ ଟ୍ରାକ ମୋଡରେ ଦଣ୍ଡ ବିଧାନ କରାଯାଉ । ପୋଲିସର ଢିଲାପଣ ପାଇଁ ମହିଳା ଓ ଶିଶୁଙ୍କ ଉପରେ ନିର୍ଯାତନା ବଢୁଛି। ଲୋକଙ୍କ ଭିତରେ ଭୟ ନାହିଁ । ତେଣୁ ନିକଟରେ ଘଟିଥିବା ଘଟଣା ହିନ୍ଦୋଳ ଏବଂ ତାଳଚେର ମାମଲାରେ ତୁରନ୍ତ ଚାର୍ଜସିଟ୍ କରି କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି କଂଗ୍ରେସ ବିଧାୟିକା ସୋଫିଆ ଫିରଦୋସ।