ରାଜ୍ୟ ସରକାର ଓଡ଼ିଶାରେ ସେମିକଣ୍ଡକ୍ଟର କାରଖାନା ଲାଗି ପ୍ରୋତ୍ସାହନ ଦେବେ

ଭୁବନେଶ୍ୱର: ରାଜ୍ୟ ସରକାର ଓଡ଼ିଶାରେ ସେମିକଣ୍ଡକ୍ଟର କାରଖାନା ଲାଗି ପ୍ରୋତ୍ସାହନ ଦେବେ । ଓଡ଼ିଶାର ଭୁବନେଶ୍ବରରେ ଭାରତର ପ୍ରଥମ ସିଲିକନ୍ କାର୍ବାଇଡ୍ (ଏସ୍. ଆଇ. ସି.) ସେମିକଣ୍ଡକ୍ଟର ଉତ୍ପାଦନ ସୁବିଧା ପ୍ରତିଷ୍ଠା କରିବା ଲାଗି ଆର୍. ଆଇ. ଆର୍. ପାୱାର ଇଲେକ୍ଟ୍ରୋନିକ୍ସ ଲିମିଟେଡ୍ (ଆର୍. ଆଇ. ଆର୍.) ପାଇଁ ଏକ ସ୍ବତନ୍ତ୍ର ପ୍ରୋତ୍ସାହନ ପ୍ୟାକେଜ୍ କୁ ଓଡ଼ିଶା କ୍ୟାବିନେଟ୍ ଅନୁମୋଦନ କରିଛି ।

ଏଥିଡରେ ମୋଟ ୬୧୮ କୋଟି ଟଙ୍କା ନିବେଶ କରାଯିବ ଏବଂ ଏହି ପ୍ରକଳ୍ପକୁ ଦୁଇଟି ପର୍ଯ୍ୟାୟରେ କାର୍ଯ୍ୟକାରୀ କରାଯିବ। ଉତ୍ପାଦନ ସୁବିଧା ପାଇଁ ଭିଭିପ୍ରସ୍ତର ସ୍ଥାପନ ସମାରୋହ ୭ ସେପ୍ଟେମ୍ବର, ୨୦୨୪ ରେ ଭୁବନେଶ୍ବରର ଇନଫୋଭାଲିରେ ଇଲେକ୍ଟ୍ରୋନିକ୍ ମାନୁଫାକ୍ଚରିଂ କ୍ଲଷ୍ଟର (ଇଏମସି) ପାର୍କରେ ଅନୁଷ୍ଠିତ ହୋଇଥିଲା। ଏହି ସୁବିଧା ସି. ଆଇ. ସି. ଆଧାରିତ ଉପକରଣ, ବୈଦ୍ୟୁତିକ ଯାନ (ଇ. ଭି.), ଅକ୍ଷୟ ଶକ୍ତି, ରେଳବାଇ ଏବଂ ପ୍ରତିରକ୍ଷା ଉପରେ ଧ୍ୟାନ ଦେବ ଏବଂ ୭୫୦ ନିଯୁକ୍ତି ସୃଷ୍ଟି କରିବ ବୋଲି ଆଶା କରାଯାଉଛି।

ଏହା ଭାରତର ପ୍ରଥମ କମ୍ପାଉଣ୍ଡ ସେମିକଣ୍ଡକ୍ଟର ଫ୍ୟାବ ହେବ, ଯାହା ଏପିଟାକ୍ସିଆଲ ସ୍ତର ଜମା ଏବଂ ପ୍ୟାକେଜିଂ ପରି ଉଚ୍ଚ ମୂଲ୍ୟର ପ୍ରକ୍ରିୟା ସହିତ ଘରୋଇ ଉତ୍ପାଦନ କ୍ଷମତାକୁ ଉଲ୍ଲେଖନୀୟ ଭାବରେ ବୃଦ୍ଧି କରିବ।

ଆରଆଇଆର ହେଉଛି ଭେଲ , ଏବିବି ଏବଂ ଭାରତୀୟ ରେଳବାଇ ଭଳି ଗ୍ରାହକମାନଙ୍କୁ ସେବା ପ୍ରଦାନ କରୁଥିବା ଭାରତର ଏକମାତ୍ର ସିଲିକନ୍-ଆଧାରିତ ଶକ୍ତି ଉପକରଣର ଉତ୍ପାଦନକାରୀ ।

ଏହି ପ୍ରକଳ୍ପ ଓଡ଼ିଶାର ଔଦ୍ୟୋଗିକ ଅଭିବୃଦ୍ଧି, ସ୍ଥାନୀୟ ଯୋଗାଣ ଶୃଙ୍ଖଳାର ବିକାଶ ଏବଂ ଦକ୍ଷତା ସୁଯୋଗକୁ ତ୍ଵରାନ୍ଵିତ କରି ଭାରତର ସେମିକଣ୍ଡକ୍ଟର ଇକୋସିଷ୍ଟମରେ ଓଡ଼ିଶାକୁ ଏକ ଅଗ୍ରଣୀ ସ୍ଥାନରେ ପହଞ୍ଚାଇବା ପାଇଁ ପ୍ରସ୍ତୁତ ।