ତପି ମିଶ୍ର ଗିରଫ - ସୋସିଆଲ ମିଡିଆରେ ଅଶାଳୀନ ମନ୍ତବ୍ୟ ଦେଊଥିଲେ

(FMNews):-- ଭୁବନେଶ୍ୱରର ଇନ୍ଫୋସିଟି ପୋଲିସ ବୁଧବାର ଦିନ ଜଣେ ସ୍ୱଘୋଷିତ ଅଭିନେତା ତପି ମିଶ୍ରଙ୍କୁ ଜଣେ ମହିଳା ଲେଖିକାଙ୍କୁ ଅନଲାଇନରେ ହଇରାଣ କରିବା ଅଭିଯୋଗରେ ଗିରଫ କରିଛି। ଇନଫୋସିଟି ପୋଲିସ ଓଡ଼ିଆ ଲେଖିକା ବନସ୍ମିତା ପତିଙ୍କ ଅଭିଯୋଗ ଆଧାରରେ ସରୋଜ କୁମାର ମିଶ୍ର ଉର୍ଫ ତପିଙ୍କୁ ଗିରଫ କରିଛି।

ପୋଲିସ ମିଶ୍ରଙ୍କ ବିରୁଦ୍ଧରେ ବିଏନଏସ୍ର ଧାରା ୨୯୬, ୭୫ (୩), ୩୫୧ (୨) ଏବଂ ୩୫୧ (୪) ଅନୁସାରେ ମାମଲା ରୁଜୁ କରିଛି।

Odisha: Actor Tapi Mishra arrested for harassment of author pic.twitter.com/a82VWth2uy

Fast Mail News (@FastMailNews) March 20, 2025

ଅଭିଯୋଗ ଅନୁଯାୟୀ,ତପି ମାର୍ଚ୍ଚ ୧୭ରେ ରାକେଶ ରୋଷନ ମହାନ୍ତି ନାମକ ଜଣେ ବ୍ୟକ୍ତି ମିଶ୍ରଙ୍କ ଦ୍ୱାରା ଦିଆଯାଇଥିବା ଏକ ବିବାଦୀୟ ବୟାନ ସମ୍ପର୍କରେ ଫେସବୁକରେ ଏକ ଷ୍ଟାଟସ୍ ପୋଷ୍ଟ କରିଥିଲେ।ତାଙ୍କ ମନ୍ତବ୍ୟରେ ମହିଳା ଲେଖିକା ମିଶ୍ରଙ୍କ ବୟାନକୁ ନିନ୍ଦା କରିଥିଲେ। କିଛି ସମୟ ପରେ ତପି ମିଶ୍ର ଫେସବୁକରେ ମହିଳା ଲେଖିକାଙ୍କୁ ଟ୍ୟାଗ୍ କରି ଅଶ୍ଳୀଳ ଭାଷା ବ୍ୟବହାର କରି ତାଙ୍କୁ ସାର୍ବଜନୀନ ଭାବେ ହଇରାଣ ଓ ଅପମାନ କରିବାକୁ ଚେଷ୍ଟା କରିଥିବା ଅଭିଯୋଗ ହୋଇଛି।

ଏ ସମ୍ପର୍କରେ ଲେଖିକା ଇନଫୋସିଟି ପୋଲିସ ନିକଟରେ ଅଭିଯୋଗ ଦାଖଲ କରିଥିଲେ। ପୋଲିସ ମିଶ୍ରଙ୍କ ବିରୁଦ୍ଧରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ। ମିଶ୍ରଙ୍କ ଦ୍ୱାରା ଲେଖିକାଙ୍କ ପ୍ରତି କରାଯାଇଥିବା ମନ୍ତବ୍ୟ ଆପତ୍ତିଜନକ ଥିଲା। ଅଭିଯୋଗକାରିଣୀଙ୍କ ସାମାଜିକ ପ୍ରତିଷ୍ଠାକୁ କଳଙ୍କିତ କରିବାକୁ ତପି ଊଦ୍ୟମ କରିଥିଲେ , ଯାହା କି ତାଙ୍କ ସାର୍ବଜନୀନଛବିକୁ ଗୁରୁତର କ୍ଷତି ପହଞ୍ଚାଇଛି ବୋଲି ପୋଲିସ କହିଛି।

ଯଦିଓ ମିଶ୍ର ପୂର୍ବରୁ ସେନାରୁ ଏଣ୍ଟରଟେନମେଣ୍ଟ ଜଗତକୁ ଆସି ନିଜର ପରିଚୟ ସୃଷ୍ଟି କରିଥିଲେ ଏହି ବିବାଦ ତାଙ୍କର ବ୍ୟକ୍ତିତ୍ବକୁଗମ୍ଭୀର ଭାବେ କ୍ଷତି ପହଞ୍ଚାଇଛି। ତପି ମିଶ୍ର ଫିଟନେସ ଇନ୍ଫ୍ଲୁଏନ୍ସର ଏବଂ ପରେ ଓଡ଼ିଆ ଚଳଚ୍ଚିତ୍ର ଅଭିନେତା ଭାବେ ପରିଚିତି ଲାଭ କରିଥିଲେ। ସେ ତାଙ୍କ ହୋଟେଲ ବ୍ୟବସାୟ ଓ ମହାବାହୁ ଏବଂ ଦିଲ୍ ରେ ଲେଖିଛି ତୋରି ନା ଭଳି ଚଳଚ୍ଚିତ୍ରରେ ଅଭିନୟ ପାଇଁ ଜଣାଶୁଣା ହୋଇଥିଲେ। ତାଙ୍କର ୟୁଟ୍ୟୁବ ସିରିଜ୍ରେ ପ୍ରେରଣାଦାୟୀ କଥାବାର୍ତ୍ତା ତାଙ୍କ ଡିଜିଟାଲ ପ୍ରଭାବକୁ ଆହୁରି ବଢ଼ାଇଥିଲା।

ତେବେ ଏହି ଘଟଣା ପରେ ସେ ନିନ୍ଦିତ ହୋଇଛନ୍ତି।