- ଓଡ଼ିଶା ସ୍ୱରାଜ ପୁରସ୍କାର ୨୦୨୫: ଜାତି ଜନଗଣନା ଠିକ୍ ହେଲେ ସରକାରୀ ସୁବିଧା ଓ ନ୍ୟାୟ ମିଳିବ : ବି.କେ. ହରିପ୍ରସାଦ
- ରାଜ୍ୟର ୩୨ ଟି ସାଂଗଠାନିକ ଜିଲ୍ଲାର ଅନ୍ତରୀଣ ଜିଲ୍ଲା ସଭାପତି ନିଯୁକ୍ତ କଲେ ପିସିସି ସଭାପତି ଶ୍ରୀ ଭକ୍ତ ଚରଣ ଦାସ
- ପୁରୀ ରଥ ଯାତ୍ରା ଦଳା ଚକଟା : ମୁଖ୍ୟମନ୍ତ୍ରୀ ଓ ଆଇନମନ୍ତ୍ରୀଙ୍କ ଇସ୍ଥଫା ଦାବି କଲା କଂଗ୍ରେସ
- କଟକସ୍ଥିତ ଶିଶୁ ଭବନ ଡାକ୍ତରଖାନା ଉନ୍ନୟନ କାର୍ଯ୍ୟରେ ବ୍ୟାପକ ହରିଲୁଟର ଅଭିଯୋଗ କଲା ଯୁବ କଂଗ୍ରେସ
- ଆଦାନୀଙ୍କ ପାଇଁ ଗତକାଲି ରଥ ଟଣା ବନ୍ଦ ହେବା ପ୍ରସଙ୍ଗକୁ ନେଇ ଛାତ୍ର କଂଗ୍ରେସର ଆନ୍ଦୋଳନ
ରଥଖଳା ଚଳଚଞ୍ଚଳ, ଚାଲିଛି ତୁମ୍ବ ନିର୍ମାଣ

ପୁରୀ:- ପବିତ୍ର ଅକ୍ଷୟ ତୃତୀୟାରେ ରଥ ନିର୍ମାଣ କାର୍ଯ୍ଯର ଶୁଭ ଅନୁକୂଳ ହୋଇଥିଲା । ଅକ୍ଷୟ ତୃତୀୟା ପର ଦିନ ରଥଖଳାର ତିନୋଟି ଚାଳି ବା ବାଡରେ ବିଶ୍ବକର୍ମା ମହାରଣା ମାନେ ଚକର ତୁମ୍ବ କଟା ଆରମ୍ଭ କରିଥିଲେ । ରଥ ଅମିନ ତୁମ୍ବ କାଠରେ ମାପଚୁପ ଦେବା ପରେ ସୂତା ବାଡିଆ ହୋଇ ବଡ କାଠ ଗଣ୍ଡିରୁ ତୁମ୍ବ କାଟିଥିଲେ । ଏହି ତୁମ୍ବ ଗୁଡିକ ଫାଶି କାଠରେ ନିର୍ମିତ ହେଉଛି । ସୂତାର ମହାରଣା କଳା ସୂତାରେ ଦାଗ ଦେବା ପରେ ମର୍ଦଳାକାର ଭାବେ ତୁମ୍ବ ଗଣ୍ଡିକୁ ସାଇଜ କରିଥିଲେ । ଦ୍ବିତୀୟ ଦିନରେ ୬ଟି ତୁମ୍ବ ର ଗୋଲେଇ କାର୍ଯ୍ଯ ସମ୍ପନ୍ନ ହୋଇଥିଲା । ଶନିବାର ତୃତୀୟ ଦିନରେ ୯ଟି ତୁମ୍ବର ଗୋଲେଇ କାର୍ଯ୍ଯ ସରିବା ପରେ ତିନି ଚାଳିରେ ତୁମ୍ବ ରଖାଯାଇଛି । ତାଳଧ୍ବଜ ଚାଳିରେ ୩ଟି, ଦର୍ପଦଳନ ଚାଳିରେ ୩ଟି ଏବଂ ନନ୍ଦିଘୋଷ ଚାଳିରେ ୩ଟି ଲେଖାଏଁ ତୁମ୍ବ ରଖାଯାଇଛି । ଏହା ସହ ତୁମ୍ବ ଗଣ୍ଡି କଟାଯାଇ ତିନୋଟି ଲେଖାଏଁ ରଖାଯାଇଛି । ସମୁଦାୟ ୪୨ଟି ତୁମ୍ବ ନିର୍ମାଣ କରାଯିବ । ନନ୍ଦିଘୋଷ ରଥ ପାଇଁ ୧୬ଟି, ତାଳଧ୍ବଜ ରଥ ପାଇଁ ୧୪ଟି ଓ ଦର୍ପଦଳନ ରଥ ପାଇଁ ୧୨ଟି ତୁମ୍ବ ନିର୍ମାଣ କରାଯିବ । ଦୋଳବେଦି ଅସ୍ଥାୟୀ କମାରଶାଳରେ ବାଉଁଶ ପଡି ଚାଳି ନିର୍ମାଣ ହୋଇଥିଲା । ଅକ୍ଷୟ ତୃତୀୟା ଦିନ କାଳବୈଶାଖୀରେ ଏହି ଚାଳି ଭାଙ୍ଗି ଯାଇଥିଲା । ଏହାକୁ ପୁନଃନିର୍ମାଣ କରାଯାଉଛି । ତିନୋଟି ଭାଟି ଶାଳ ପାଇଁ ଇଟାରେ ବେଦୀ ନିର୍ମାଣ ହୋଇଛି । ତା ଉପରେ ଲୁହା ଖଣ୍ଡ ରଖାଯାଇଛି । ଏହା ସହ ଅନ୍ଯ ଏକ ଅଣସର ଚାଳି ନିର୍ମାଣ କରାଯାଇଛି । ସେଥିରେ ଅଣସର ସହସ୍ର କାର୍ଯ୍ଯ ଆରମ୍ଭ ହେବ ।