ଭାରତୀୟମାନଙ୍କ 'ଏକତା' ହିଁ ଆତଙ୍କବାଦ ବିରୋଧରେ ସବୁଠାରୁ ବଡ଼ ଶକ୍ତି-ମୁଖ୍ୟମନ୍ତ୍ରୀ

FMNEWS.IN 27-04-2025

'Unity' of Indians is the biggest strength against terrorism: Chief Minister

ଭୁବନେଶ୍ୱର, 27 ଏପ୍ରିଲ୍ - ଭାରତୀୟମାନଙ୍କ ଏକତା ହିଁ ଆତଙ୍କବାଦ ବିରୋଧରେ ସବୁଠାରୁ ବଡ଼ ଶକ୍ତି ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି । ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ କହିଛନ୍ତି ଯେ, ମନ କୀ ବାତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଶ୍ମୀର ପହଲଗାମ ଆତଙ୍କବାଦୀ ଆକ୍ରମଣ ଘଟଣାକୁ ତୀବ୍ର ନିନ୍ଦା କରିଛନ୍ତି। ପହଲଗାମରେ ଆତଙ୍କବାଦୀ ଆକ୍ରମଣରେ ସମଗ୍ର ଦେଶ ଦୁଃଖିତ। ଏହି ଆକ୍ରମଣ ଆତଙ୍କବାଦୀଙ୍କ କାପୁରୁଷତାକୁ ଦର୍ଶାଉଛି। କାଶ୍ମୀରକୁ ପୁଣି ଅଶାନ୍ତ କରିବା ଲକ୍ଷ୍ୟରେ ଆତଙ୍କବାଦୀ ଏଭଳି ଆକ୍ରମଣ କରିଛନ୍ତି। କିନ୍ତୁ ଦେଶର ୧୪୦ କୋଟି ଭାରତୀୟ ଆଜି ଏକଜୁଟ ହୋଇଛନ୍ତି। ଭାରତୀୟମାନଙ୍କ ଏହି ଏକତା ହିଁ ଆତଙ୍କବାଦ ବିରୋଧରେ ସବୁଠାରୁ ବଡ଼ ଶକ୍ତି। ଆତଙ୍କବାଦ ବିରୋଧରେ ଲଢ଼େଇରେ ସାରା ବିଶ୍ୱ ଭାରତ ସହିତ ଅଛି। ଏହି ଆକ୍ରମଣ ଘଟଣାରେ ପୀଡ଼ିତ ପରିବାରକୁ ନିଶ୍ଚିତ ନ୍ୟାୟ ମିଳିବ। ଷଡ଼ଯନ୍ତ୍ରକାରୀଙ୍କୁ ନିଶ୍ଚୟ ଦଣ୍ଡ ମିଳିବ ବୋଲି ପ୍ରଧାନମନ୍ତ୍ରୀ ଦୃଢ଼ତାର ସହ କହିଛନ୍ତି ।