୨୦୨୫ ରେ ଲୋକଙ୍କ ସହ ରହି ସେମାନଙ୍କ ସ୍ୱର ହେବାକୁ ବିଜେଡି ପ୍ରତିଶ୍ରୁତିବଦ୍ଧ- ବିଜେଡି

FMNEWS.IN 31-12-2024

BJD is committed to being with the people and their voice in 2025 - BJD

(FMNews):-- ବର୍ଷ ୨୦୨୪ ର ଅନୁଭୂତି ବଖାଣିବା ସହ ୨୫ର ଚ୍ୟାଲେଞ୍ଜ ବିଷୟରେ ବୟାନ ରଖିଲେ ବିଜେଡି ବିଧାୟକ ପ୍ରଦୀପ ଦିଶାରୀ । ପ୍ରତିକ୍ରିୟା ରଖି ପ୍ରଦୀପ କହିଛନ୍ତି ୨୦୨୪ ବିଜେଡି ପାଇଁ ଶୁଭଙ୍କର ନଥିଲା କହିଲେ ଅତ୍ୟୁକ୍ତି ହେବ ନାହିଁ । କାହିଁକି ନା ଆମେ ୨୦୨୪ ନିର୍ବାଚନରେ ପରାଜୟର ବାଟ ଦେଖିଛୁ । କିନ୍ତୁ ୨୦୨୫ ରେ ଲୋକଙ୍କ ସହ ରହି ସେମାନଙ୍କ ସ୍ୱର ହେବାକୁ ବିଜେଡି ପ୍ରତିଶ୍ରୁତିବଦ୍ଧ । ନିର୍ବାଚନ ମଣ୍ଡଳୀ ୱାରୀ ଦୁଇ ଗୋଷ୍ଠୀରେ ବିଭକ୍ତ ହେବା ଦଳ ପାଇଁ ଶୁଭଙ୍କର ନୁହେଁ ତେଣୁ ଦଳର ଗୋଷ୍ଠୀ ବିବାଦ କେମିତି ସମାଧାନ କରାଯାଇ ପାରିବ, କର୍ମକର୍ତ୍ତାଙ୍କ ଭିତରେ ସୃଷ୍ଟି ହେଉଥିବା ବିଶୃଙ୍ଖଳା କିମ୍ବା ମନାନ୍ତରକୁ ସମାଧାନ କରିବା, ସଭାପତିଙ୍କ ଏକଜୁଟର ମନ୍ତ୍ରକୁ କିଭଳି ଠିକ ଭାବେ କାର୍ଯ୍ୟକାରୀ କରାଯାଇପାରିବ ଏବଂ ସମସ୍ତେ କିପରି ଏକଜୁଟ ହୋଇ କି ଦଳ ପାଇଁ କାମ କରିବେ ତାହା ୨୦୨୫ ରେ ଆମ ପାଇଁ ଚ୍ୟାଲେଞ୍ଜ ହେବ । ତେଣୁ ତାକୁ ଯଥାଶୀଘ୍ର ସମାଧାନ କରିପାରିଲେ ଆମ ଦଳ ଆଗେଇବ । ଅନେକ ନେତା ସରକାରୀ ଦଳ ପ୍ରତି ଆକର୍ଷିତ ହୋଇ ଦଳ ଛାଡ଼ୁଛନ୍ତି ଏବଂ ବହୁତ ନେତା ବାଧ୍ୟ ବାଧକତା ତଥା ଭିଜିଲାନ୍ସ ଡ଼ରରେ ଦଳ ଛାଡ଼ୁଛନ୍ତି ତେଣୁ ତାଙ୍କୁ ରୋକିପାରିଲେ ଆଗାମୀ ପଞ୍ଚାୟତ ନିର୍ବାଚନରେ ବିଜେଡି ବହୁତ ଭଲ ରେଜଲ୍ଟ କରିବ ବୋଲି ପ୍ରଦୀପ ଦିଶାରୀ କହିଛନ୍ତି।