ହଟ୍ଟଗୋଳ କରାଯିବାକୁ ନେଇ ବିଜେଡି ବିଧାୟକଙ୍କୁ ଘେରିଲେ ଜୟ ନାରାୟଣ

କହିଲେ ପାଣ୍ଡିଆନଙ୍କ ନିର୍ଦେଶରେ ବିଜେଡି ବିଧାୟକ ମାନେ କରୁଛନ୍ତି ଗୃହକ ସମୟ ନଷ୍ଟ

ଭୁବନେଶ୍ୱର, 15 ଫେବୃଆରୀ - ଚାଷୀ ମାନଙ୍କ ସମସ୍ୟାକୁ ନେଇ ମୁଖ୍ୟ ବିରୋଧୀ ଦଳ ବିଜେଡି ବିଧାୟକ ମାନଙ୍କ ଦ୍ୱାରା ହଟ୍ଟଗୋଳ କରାଯିବାକୁ ନେଇ ଟାର୍ଗେଟ କରିଛନ୍ତି ଶାସକ ଦଳର ବରିଷ୍ଠ ବିଧାୟକ ଜୟ ନାରାୟଣ ମିଶ୍ର ।

ଶ୍ରୀ ମିଶ୍ର ଆଜି ବିଧାନସଭାରେ କହିଥିଲେ ଯେ, ଗତ କାଲି ମୁଖ୍ୟ ବିରୋଧୀ ଦଳ ଗୋଟାଏ ମୁଲତବୀ ପ୍ରସ୍ତାବ ଆଣିଥିଲେ। । ଏହା ଚାଷୀଙ୍କ ସମସ୍ୟା ସମ୍ପର୍କିତ ଥିଲା । ଶାସକ ଦଳ ଓ ସରକାର ଏହି ପ୍ରସଙ୍ଗରେ ଆଲୋଚନା

ପାଇଁ ସରକାର ପ୍ରସ୍ତୁତ ଥିଲେ। । ସରକାର ଆଲୋଚନା କରିବାକୁ ପ୍ରସ୍ତୁତ ଥିବା ସତ୍ୱେ ବିରୋଧୀ ବିଜେଡି ଦଳର ବିଧାୟକ ମାନେ ହଟ୍ଟଗୋଳ କରି ଗୃହ ଚଳାଇ ଦେଲେ ନାହିଁ । ସେ ପ୍ରଶ୍ନ କରିଥିଲେ ଯେ, କାହିଁକି ଗୃହକୁ ବିରୋଧୀ ଚଳାଇଦେଲେ ନାହିଁ। କାହିଁକି ମୂଲ୍ୟବାନ ସମୟ ନଷ୍ଟ କରାଗଲା । ଲବିରେ ମୁଁ ଆଲୋଚନା କରୁଥିଲି ବିଜେଡି ଦଳର ସଦସ୍ୟ କହିଲେ ପଣ୍ଡିଆନ କହିଲେ ବୋଲି ଆମେ ଗୃହ ବନ୍ଦ କଲୁ।

ଶ୍ରୀ ମିଶ୍ର କହିଥିଲେ ଯେ, ଟେଣ୍ଟ ବନ୍ଧା, ଜରି ବୁହା ଲୋକ ଏ ମାନେ ଗୃହକୁ ଆସିଛନ୍ତି। ସେମାନେ ଜନସାଧାରଣଙ୍କ କଥା ଉଠାଇବାକୁ ଆସି ନାହାନ୍ତି । କେଉଁ ହିସାବରେ ଏ ଗୃହକୁ ଏମାନେ ବନ୍ଦ କଲେ।

ବିଜେଡି ସଦସ୍ୟ ମାନେ କ୍ଷମା ପ୍ରାର୍ଥନା କରିବା କଥା। କିଏ ଏମାନଙ୍କ ମଧ୍ୟରୁ ପଣ୍ଡିଆନଙ୍କର ଏକ ନମ୍ୱର୍ ଚାମଚା ହେବ ସେ ପ୍ରତିଯୋଗିତାରେ ଏମାନେ ଅଛନ୍ତି । ଏମାନଙ୍କର ଦୋହରା ନୀତିକୁ ଓଡ଼ିଶାର ଲୋକେ ନିନ୍ଦା କରୁଛନ୍ତି ବୋଲି ସେ କହିଥିଲେ ।