ଶଙ୍ଖ ଭବନ ଏବେ ହୋଟେଲ - ଜଗନ୍ନାଥ ପ୍ରଧାନ
ଭୁବନେଶ୍ୱର, 13 ଜାନୁଆରି- ଶଙ୍ଖ ଭବନକୁ ନେଇ ବିଜେଡିକୁ ବିଜେପିର ବରିଷ୍ଠ ନେତା ଜଗନ୍ନାଥ ପ୍ରଧାନ ଟାର୍ଗେଟ କରିଛନ୍ତି । ଦଳୀୟ କାର୍ଯ୍ୟଳୟରେ ରେଷ୍ଟରାଣ୍ଟକୁ ନେଇ ସେ ପ୍ରଶ୍ନ ଉଠାଇଛନ୍ତି ।
ସେ କର୍ପୋରେଟ ଚାନ୍ଦା ବନ୍ଦ ହେବାରୁ ବେଆଇନ ଭାବେ ଶଙ୍ଖ ଭବନକୁ ହୋଟେଲ କରିଥିବା ଅଭିଯୋଗ କରିଛନ୍ତି । ଦଳୀୟ କାର୍ଯ୍ୟାଳୟ ପାଇଁ ବିଜେଡି 2021 ରେ ସରକାରୀ ଜମି ନେଲା । କିନ୍ତୁ ଏବେ ହୋଟେଲରେ ପରିଣତ କରିଛି । କର୍ପୋରେଟ ଚାନ୍ଦାରେ ହୋଇଥିଲା ଶଙ୍ଖ ଭବନ । ଆଉ କର୍ପୋରେଟ ପଇସା ଆସୁନି ବୋଲି ବିଜେଡିକୁ ହୋଟେଲର ଆବଶ୍ୟକତା ପଡିଛି କି ବୋଲି ସେ ପ୍ରଶ୍ନ କରିଛନ୍ତି ।
ରାଜ୍ୟରେ ବିଜେଡି ନିଶ୍ଚିହ୍ନ ହେବା ପାଇଁ ଯାଉଛି କି ପ୍ରଶ୍ନ କଲେ ଜଗନ୍ନାଥ ପ୍ରଧାନ । ସେଠିକୁ ଲୋକ ଆଉ ଆସୁ ନାହାନ୍ତି । ବିଜେଡିରେ କିଏ ଏହି ହୋଟେଲକୁ ଚଳାଉଛି ଏହା ପଛର ଉଦେଶ୍ୟ କଣ ବିଜେଡି ସ୍ପଷ୍ଟ କରୁ । ଜମି ଆପ୍ରୁଭାଲରେ ସ୍ପଷ୍ଟ ଲେଖା ଯାଇଛି, କେବଳ ଦଳୀୟ କାର୍ଯ୍ୟାଳୟ ଭାବେ ବ୍ୟବହାର ପାଇଁ ଅନୁମତି ଦିଆଯାଇଥିଲା । କିନ୍ତୁ ହୋଟେଲ କାହିଁକି କଲେ । ଯାହା ପଇସା ଥିଲା ପାଣ୍ଡିଆନ ନେଇକି ପଳେଇଲେ । ତେଣୁ ଶଙ୍ଖ ଭବନ ଚଳାଇବାକୁ ଏମିତି ପଦକ୍ଷେପ ନେଇଥାଇ ପାରନ୍ତି । ଆଗକୁ ଷ୍ଟାର ହୋଟେଲରେ ପରିଣିତ ହୋଇପାରେ ଶଙ୍ଖ ଭବନ । ତେଣୁ ସରକାର ଏହାକୁ ବିଚାରକୁ ନିଅନ୍ତୁ ଏବଂ କାର୍ଯ୍ୟାନୁଷ୍ଠାନ ନିଅନ୍ତୁ । ବିଜେଡି ଠାରୁ ଜମି ଫେରାନ୍ତୁ ସରକାର ବୋଲି ଦାବି କରିଛନ୍ତି ଜଗନ୍ନାଥ ପ୍ରଧାନ ।
