- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ଗାଁ'ରେ ହାତୀ ଆତଙ୍କ, ସନ୍ଧ୍ୟା ପରଠୁ ପଡିଯାଉଛି ତାଟି କବାଟ
ସମ୍ବଲପୁର, ୨୨ ଡିସେମ୍ବର - ସମ୍ବଲପୁର ଜିଲ୍ଲା ବାମରା ବନ୍ୟପ୍ରାଣୀ ଜମନକିରା ରେଞ୍ଜ ଅଧିନସ୍ଥ ବନ୍ଧପାଲି ବିଟ୍ ଅଞ୍ଚଳରେ ଏବେ ବଣୁଆ ହାତୀପଲଙ୍କ ଉପଦ୍ରଵ ବଢ଼ିବାରେ ଲାଗିଛି l ବନ ବିଭାଗ ପକ୍ଷରୁ ରୁଗଣ ହାତୀ ଘଉଡ଼ାଇବା ପ୍ରୟାସ ଜାରି ରହିଥିଲେ ମଧ୍ଯ ଲୋକେ ବନବିଭାଗ ଉପରେ ଭରସା କରିନପାରି ସନ୍ଧ୍ଯା ପରେ ହାତୀ ଭୟରେ ଘରର ତାଟି କବାଟ ପକାଇ ଲୋକେ ପଦାକୁ ବାହାରୁନଥିବା ଦେଖିବାକୁ ମିଳୁଛି l
ସୂଚନା ମୁତାବକ, ଗତ ୧୫ ଦିନ ହେବ ଜମନକିରା ବ୍ଲକ ଅନ୍ତର୍ଗତ ଗୁଣ୍ଡୁରୁଚୁଆ, କତରକେଳା, ଗଣ୍ଡା ଜାମୁମାଲ, ବନ୍ଦପାଲି ସହ ଆଖପାଖ ଗ୍ରାମରେ କିଛି ବଣୁଆ ହାତୀ ଆସି ଚାଷୀଙ୍କ ଅନେକ ଫସଲ ନଷ୍ଟ କରିବା ସହ ଘରଦ୍ବାର ଭାଙ୍ଗି ଦେଉଥିବା ଦେଖିବାକୁ ମିଳୁଛି l ଶନିବାର ସଂହାରାପଡାରେ ଏକ ଦନ୍ତା ହାତୀ ପଶି ଆସି ଫୁଲା ସିଂ ଓ ବୀରେନ୍ଦ୍ର ସିଂ ଙ୍କ ଘର ଭାଙ୍ଗି ଚାଉଳ, ଧାନ ଖାଇ ଯାଇଥିବା ଦେଖିବାକୁ ମିଳିଛି l ପ୍ରତ୍ୟେକ ଦିନ ସନ୍ଧ୍ଯାରେ ହାତୀ ପଲ ଗ୍ରାମକୁ ପଶି ଆସୁଥିବା ଯୋଗୁଁ ଏବେ ଗ୍ରାମବାସୀ ଘରୁ ବାହାରୁନାହାନ୍ତି । ଧର୍ମକୁ ଆଖିଠାର ମାରିବା ସଦୃଶ୍ୟ ବନ ବିଭାଗ ପକ୍ଷରୁ ମଧ୍ଯ ହାତୀ ଘଉଡ଼ାଇବା ପ୍ରୟାସ ଜାରି ରହିଛି l କ୍ଷତିଗ୍ରସ୍ତ ପରିବାରକୁ ତୁରନ୍ତ ସରକାରଙ୍କ ପକ୍ଷରୁ କ୍ଷତିପୂରଣ ଦେବାପାଇଁ ସାଧାରଣରେ ଦାବି ହେଉଛି l
