- ଆନ୍ଧ୍ର ପ୍ରଦେଶରେ ଖାଇକୁ ଖସିଲା ବସ୍ , ୯ ଜଣ ଯାତ୍ରୀ ମୃତ, ୧୦ ଜଣଙ୍କ ଅବସ୍ଥା ଗୁରୁତର
- ଏସଆଇଆରର ତଦାରଖ ନିମନ୍ତେ ପର୍ଯ୍ୟବେକ୍ଷକ ନିଯୁକ୍ତ କଲେ ନିର୍ବାଚନ ଆୟୋଗ
- ରାହୁଲ ଗାନ୍ଧୀ ସଂସଦରେ ପ୍ରଦୂଷଣ ପ୍ରସଙ୍ଗରେ ବ୍ୟାପକ ଆଲୋଚନା ପାଇଁ କଲେ ଦାବି
- ମୁଖ୍ୟମନ୍ତ୍ରୀ ମୋହନ ମାଝୀ ୩୧୨ କୋଟି ଟଙ୍କାର ଘଟଗାଁ ତାରିଣୀ ମନ୍ଦିର ବିକାଶ ପ୍ରକଳ୍ପର ଶୁଭାରମ୍ଭ କଲେ
- ଗୋଆରେ ନାଇଟ୍ କ୍ଲବରେ ସିଲିଣ୍ଡର ବିସ୍ଫୋରଣ ପରେ ଲାଗିଲା ନିଆଁ, 23 କର୍ମଚାରୀଙ୍କ ମୃତ୍ୟୁ
ମାରାଥନ୍ କାର୍ଯ୍ୟକ୍ରମ ବେଳେ ଫୁଟିଲା ଗୁଳି, ଯୁବକ ଆହତ
ରାଉରକେଲା, ୨୨ ଡିସେମ୍ବର - ରାଉରକେଲା ସେକ୍ଟର- ୩ ଥାନା ଅଂଚଳରେ ମାରାଥନ୍ କାର୍ଯ୍ୟକ୍ରମ ବେଳେ ଫୁଟିଲା ଗୁଳି । ଗୁଳିମାଡରେ ଜଣେ ଯୁବକ ଆହତ ହୋଇଛନ୍ତି । ଯୁବକଙ୍କ ପିଠିରେ ଗୁଳି ବାଜିଛି । ଯୁବକଙ୍କୁ ଆଇଜିଏଚ୍ ରେ ଚିକିତ୍ସା କରାଯାଇ ଛାଡି ଦିଆଯାଇଛି । ଆଜି ସକାଳ ପ୍ରାୟ ୭ଟାରୁ ୮ଟା ମଧ୍ୟରେ ଏହି ଘଟଣା ଘଟିଛି । ଆହତ ଯୁବକଙ୍କ ନାମ ସଲିଳ କୁମାର ସାହୁ । ସେ ଭାରତୀୟ ରେଳବାଇ ଅଧିନରେ ଜଣେ କର୍ମଚାରୀ ।
ଆଜି ସକାଳୁ ୟୁଥ୍ ହଷ୍ଟେଲ୍ ତରଫରୁ ସେକ୍ଟର ୩ ଅଂଚଳରେ ଏକ ମାରାଥନ୍ କାର୍ଯ୍ୟକ୍ରମ କରାଯାଉଥିବା ବେଳେ ହଠାତ୍ ଏକ ଗୁଳି ଆସି ସଲିଳଙ୍କ ପିଠିରେ ସାମାନ୍ୟ କ୍ଷତ କରି ବାହାରି ଯାଇଥିଲା । ତାଙ୍କୁ ତୁରନ୍ତ ଆଇଜିଏଚ୍ କୁ ନିଆଯାଇ ସେଠାରେ ଚିକିତ୍ସା କରାଯାଇଥିଲା । ତେବେ ଗୁଳିଟି କେଉଁ ଦିଗରୁ ଆସିଲା ତାହା ସ୍ପଷ୍ଟ ହୋଇନଥିଲେ ମଧ୍ୟ ନିକଟସ୍ଥ ଓଏସଏପି ପଡିଆରେ ସିଆଇଏସଏଫ ତରଫରୁ ଫାୟରିଂ ପ୍ରାକ୍ଟିସ୍ ଚାଲିଥିବାରୁ ସେହି ଅଂଚଳରୁ ଗୁଳି ଆସି ଥାଇପାରେ ବୋଲି ଆଶଙ୍କା କରାଯାଉଛି । ତେବେ ପ୍ରାୟ ୨-୩ କି.ମି. ଦୂରରୁ ଏଭଳି ଗୁଳି ଆସି ଜଣକ ପିଠିରେ ବାଜିବା ସାଧାରଣରେ ଗ୍ରହଣୀୟ ହୋଇପାରୁନଥିବା ବେଳେ ଏଭଳି ଗୁଳି ଚାଳନା କୌଣସି ବ୍ୟକ୍ତିଙ୍କ ପାଇଁ ଟାର୍ଗେଟ୍ ହୋଇଥାଇପାରେ ବୋଲି ସାଧାରଣରେ ସନ୍ଦେହ ପ୍ରକାଶ ପାଇଛି । ଅନ୍ୟପକ୍ଷରେ ଖବର ପାଇ ସେକ୍ଟର-୩ ଥାନା ପୋଲିସ ଘଟଣାସ୍ଥଳରେ ପହଂଚି ସେଠାରୁ ଏକ ଖୋକା ଜବତ କରିଛି । ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରି ରହିଛି ।
